________________ आभिग्गहियमणाभिग्गहं च अभिनिवेसियं चेव / संसइयमणाभोगं, मिच्छत्तं पंचहा होइ // 186 // छक्कायवहो मणइंदियाण अजमो असंजमो भणिओ / इइ बारसहा सुगमो, कसाय जोगा य पुव्वुत्ता // 187 // चउपच्चइओ मिच्छे, तिपच्चओ मीससासणाविरए / दुगपच्चओ पमत्ता, उवसंता जोगपच्चइओ // 188 // पणपन्न पन्न तियछहिय चत्त गुणचत्त छक्कचउसहिया / दुजुया य वीस सोलस, दस नव नव सत्त हेऊ य // 189 // दस दस नव नव अड पंच, जइतिगे दु दुग सेसयाणेगो / अड सत्त सत्त सत्तग, छ दो दो दो इगि जुया वा // 190 // मिच्छत्तकायादिघायअन्नयरअक्खजुयलुदओ। . वेयस्स कसायाण य, जोगस्सऽणभयदुगुंछा वा // 191 // इच्चेसिमेगगहणे तस्संखा भंगया उ कायाणं / . जुयलस्स जुयं चउरो, सया 'ठवेज्जा कसायाणं // 192 // जा बायरो ता घाओ, विगप्प इइ जुगवबन्धहेऊणं / अणबन्धिभयदुगुंछाण चारणा पुण विमज्झेसु // 193 // अणउदयरहियमिच्छे, जोगा दस कुणइ जन्न सो कालं / अणणुदओ पुण तदुवलगसम्मदिट्ठिस्स मिच्छुदए // 194 // सासायणम्मि रूवं, चय वेयहयाण नियगजोगाणं / जम्हां नपुंसउदए, वेउब्वियमीसगो नत्थि. // 195 // चत्तारि अविरए चय, थीउदए विउव्विमीसकम्मइया / इत्थिनपुंसगउदए, ओरालियमीसगो नत्थि // 196 // दो रूवाणि पमत्ते, चयाहि एगं तु अप्पमत्तम्मि / जं इत्थिवेयउदए, आहारगमीसगा नत्थि // 197 // .. 15
