________________ तुल्लं वित्थडबहुलं, उस्सेहबहुं च मडह कोट्टं च / हिडिल्लकायमडहं, सव्वत्थासंठियं हुंडं // 112 // जस्सुदएणं जीवे, चरंसं नाम होइ संठाणं / तं चउरंसं नामं, सेसा वि हु एव संठाणा // 113 // किण्हा नीला लोहिय, हालिद्दा तह य हुँति सुक्किलया / जियदेहाणं वण्णा, उदएणं वण्णनामस्स // 114 // गंधेण सुरभिगंध, अहवा गंधेण दुरभिगंधं तु / होइ जियाणं देहं, उदएणं गंधनामस्स // 115 // तित्तकडुयकसाया, अंबिलमहुरा रसा वि पंच भवे / ते वि हु जियदेहाणं रसनामुदएण खजंता // 116 // गुरुलहुमिउकढिणा वि य निद्धा लुक्खा य होंति सीउण्हा / जियदेहाणं फासा, उदएणं फासनामस्स . // 117 / / गुरुअं न होइ देहं, न य लहुयं होइ सव्वजीवाणं / होइ हु अगुरुयलहुयं, अगुरुलहुयनामउदएणं // 118 // अंगावयवो पडिजिब्भियाइ जो अप्पणो उवग्घायं / कुणइ हु देहम्मि ठिओ, सो उवघायस्स उ विवागो // 119 // तयविसदंतविसाई, अंगावयवो य जो उ अन्नेसिं / * जीवाण कुणइ घायं, सो परघायस्स उ विवागो // 120 // नारयतिरियनरामरभवेसु जंतस्स अंतरगईए / . अणुपुंव्वीए उदओ, सा चउहा सुणसु जह होइ // 121 // नरयाउयस्स उदए नरए वक्केण गच्छमाणस्स / नरयाणुपुब्वियाए, तहिँ उदओ अन्नहिं नत्थि // 122 // एवं तिरिमणुदेवे, तेसु वि वक्केण गच्छमाणस्स / तेसिमणुपुब्वियाणं, तहिँ उदओ अन्नहि नत्थि // 123 // . 121
