________________ मूलपयडीउ अट्ठ उ, उत्तरपयडीण अट्ठवनसयं / / तासिं सभावभेया, हुंति हु भेया इमे सुणह . // 4 // पढमं नाणावरणं, बीयं पुण दंसणस्स आवरणं / ... तइयं च वेयणीयं, तहा चउत्थं च मोहणीयं // 5 // आऊ नाम गोयं, अट्ठमयं अंतराइयं होइ / मूलपयडीउ एया, उत्तरपयडीउ कित्तेमि // 6 // पंचविहनाणवरणं, नव भेया दंसणस्स दो वेए / अट्ठावीसं मोहे, चत्तारि य आउए हुंति / // 7 // नामे तिउत्तरसयं, दो गोए अंतराइए पंच / एएसिं भेयाणं, होइ विवागो इमो सुणह // 8 // पडपडिहारसिमज्जाहडिचित्तकुलालभंडगारीणं / जह एएसिं भावा, कम्माण वि जाण तह चेव // 9 // सरउग्गयससिनिम्मलयरस्स जीवस्स छायणं जमिह / नाणावरणं कम्मं, पडोवमं होइ एवं तु // 10 // जह निम्मला वि चक्खू, पडेण केणावि छाइया संती। मंदं मंदतरागं, पिच्छइ सा निम्मला जइ वि // 11 // तह मइसुयनाणाणं, ओहीमणकेवलाण आवरणं / जीवं निम्मलरूवं, आवरइ इमेहिं भेएहिं // 12 // अट्ठावीसइभेयं, मइनाणं इत्थ वण्णियं समए / तं आवरेइ जं तं, मइआवरणं हवइ पढमं // 13 // चोद्दसभेएसु गयं, सुयनाणं इत्थ वण्णियं समए / . तस्सावरणं जं पुण, सुयआवरणं हवइ बीयं // 14 // अणुगामिवड्डमाणयभेयाइसु वण्णिओ इहं ओही। . तं आवरेइ जं तं अवहीआवरणयं जाण / // 15 // 112
