________________ // 356 // // 357 // // 358 // // 359 // // 360 // // 361 // यथाऽयो मणिसंसर्गा-द्रुक्मतां याति भाषते / मूढोऽपि गुरुसदृष्ट्या विद्वत्सु मुकुटयते संसारो गहनो भाति कार्याण्यपि तथैव च / मन्दप्रज्ञश्च लोकोऽयं विशेषाज्ञानमोहितः सद्गुरुः ज्ञानदीपेन खण्डयञ्जाड्यसन्ततिम् / सन्मार्गे गमयत्येतान्, बोधयन् वस्तुनो गुणान् यस्याश्रित्य पदं नित्यं यान्ति यास्यन्ति वै ययुः / सत्पथं बहवो भव्याः स गुरुर्विश्ववल्लभः एकाक्षरप्रदाताऽपि सन्मार्गबुद्धिदायकः / विज्ञेयो गुरुरेवासौ नान्यथासिद्धिरस्य वै एवं सन्तारितः साधुः प्रदेशीनृपसत्तमः / दिव्योपदेशदक्षेण श्रीकेशीमुनिना पुरा . सदुद्योगो यथा लोके विद्यते कार्यसाधकः / न तथा च परोपायो दृष्टः श्रुतश्च कश्चन नश्यति तेन दारिद्रयमालिङ्गति रमा स्वयम् / उद्यमशालिनं लोके लभ्यते तेन सत्सुखम् भोज्यस्थालीमुखाग्रेऽपि ढौकिता किंकरादिभिः / विना पाणि मुखे कृत्वा नोदरपरिपूर्णता आलस्यं सर्वदोषाणां दुःखानामपि कारणम् / कूपमण्डूकवद्धन्त नश्यन्त्यालस्यभाजिनः दैवन्दास्यति किन्तेन चोक्तिरेषा च तन्द्रिणाम् / इत्थं खलु ब्रुवाणास्ते पीड्यन्ते क्लेशराशिभिः उद्यमेनैव सा राज्ञी रेवती मुक्तिकाङ्क्षिणी। तीर्थपानां पदं लेभे दुर्लभं भोगिनामिह // 362 // // 363 // // 364 // // 365 // // 366 // // 367 // 241
