________________ तपसा मनसः शुद्धिस्ततो बुद्धेर्विशुद्धता। . ततः सन्मार्गधीवृत्तिस्ततश्चिन्तितवस्तुता // 320 // न चारम्भंस्तपोमार्गे न दोषकणिकाऽपि च / केवलं ध्यानमाश्रित्य चिन्तनं यत्र चात्मनः // 321 // तपसा किं न साध्येत तपसा कि न. प्राप्यते। तपसैवाभवत्सिद्धिः सनत्कुमारचक्रिण: // 322 // तपसा देहशुद्धिर्या जायते द्वयसौख्यदा। सा शुद्धिर्वारिणा नात्र पुनश्च मलसम्भवः' // 323 // न दुःखं न च दारिद्रयं न भयं रिपुरोगतः / / जायते च तपोभाजां तपो हि तापनाशकम् // 324 / न तन्त्रमन्त्रविद्याभिर्न दानैः पुष्कलैरिह। तादृशी जायते सिद्धिर्यादृशी तपसा सताम् // 325 श्रीबाहुबलिभूपालो वीरकर्मोदयो महान् / तपसैव महासिद्धिं लेभे सत्वरमुत्तमाम् // 326 // तपस्तेजोऽर्कभाध्वस्ताज्ञानतैमिरसञ्चयाः / शुद्धस्फटिकसङ्काशद्युतिदेवाङ्गकान्तयः // 327 // तपोनिष्ठा महासन्तो गतदोषा जितेन्द्रियाः / पूज्यमाना जनैर्यान्ति यथेष्टपदमन्तिमे || 328 // दृढप्रहारी नितराम्प्रहारी गोविप्रदारासुतजीवहारी / अहो प्रभावात्तपसोऽत्र सोऽपि मुक्तिं ययौ सौख्यमलन्दधानः।। 329 // प्रशान्तीभूय यो जीवो भावनाम्भावयत्यलम् / सद्भावाद् द्वयशत्रूणां नाशिनी सद्गतिप्रदाम् // 330 // तस्यैव जन्मसाफल्यं तस्यैव जननी शुभा। तेनैव वंशविख्यातिस्तेनैव धरणी मता // 331 // 238
