________________ // 243 // // 244 // // 245 // // 246 // // 247 // // 248 // कस्तुरीमलयो रत्नो-पलयोः पश्यदन्धयोः / जीवत्कबन्धयोर्जेय-मन्तरं दक्षमूर्खयोः अज्ञानध्वान्तसूराथ, दुष्कृतामलजाह्नवे / तत्त्वसेवधिकल्पाय, शास्त्राय स्पृहयेन्न कः लज्जया दूषणत्यागो, लज्जया गुणसङ्ग्रहः। लज्जयारब्धनिर्वाहः सर्वं सिद्ध्यति लज्जया लज्जया क्रियते धर्मः, पापान्मुच्यते लज्जया। पूज्यन्ते लज्जया मातृ-पितृदेवगुरूत्तमाः विवेक-विनय-न्याय-सत्य-शील-कुलक्रमाः / लज्जया प्रतिपाल्यन्ते, जनन्येव निजाङ्गजाः जायते दौर्जनी पीडा, सर्वः स्वार्थो विनश्यति / हानिमायाति माहात्म्य-मस्थाने लज्जया नृणाम् पुंसामसमये लज्जा, धर्मकामार्थहानये / प्रस्तावे सेविता सा तु, भवेत्सर्वार्थसिद्धये. यथा स्वकाले सफला, शीततापाम्बुमारुताः / वेलायां निर्मितः श्रीमान्, धर्मोऽयं सफलस्तथा मज्जनं भोजनं यानं, स्थानं शयनमासनम् / जल्पनं मौनमादानं, दानं कालोचितं मतम् पठनं गुणनं स्वामि-सेवनं द्रविणार्जनम् / कर्षणं वर्षणं क्रीडा, व्रीडा स्यात्समये श्रिये 'बभारावसरं ज्ञात्वा, विश्वरूपोऽपि केशवः / मात्स्यं रूपमतो धीमान्, समयोचितमाचरेत् प्रसन्नवदनं स्मेर-नेत्रे सम्भ्रमदर्शनम् / वार्ताभिलषिता रक्त-चित्तचिह्नचतुष्टयम् // 249 // // 250 // // 251 // // 252 // // 253 // // 254 //
