________________ // 247 // // 248 // // 249 // // 250 // // 251 // // 252 // ज्ञानवान् ज्ञानदानेन निर्भयोऽभयदानतः / अन्नदानात्सुखी नित्यं निर्व्याधिर्भेषजाद् भवेत् कीर्तिः संजायते पुण्यान्न दानाद्यच्च कीर्तये / कैश्चिद्वितीर्यते दानं ज्ञेयं तद् व्यसनं बुधैः दातुर्दानमपापाय ज्ञानिनां न प्रतिग्रहः / विषशीतापही मन्त्रवह्नी कि दोषभाजिनौ व्याजे स्याद्विगुणं वित्तं व्यवसाये चतुर्गुणम् / क्षेत्रे शतगुणं प्रोक्तं पात्रेऽनन्तगुणं भवेत् चैत्यप्रतिमापुस्तकवेदश्रीसंघभेदरूपेषु / क्षेत्रेषु सप्तसु धनं वपेद् भूरिफलाप्तये चैत्यं यः कारयेद्धन्यो जिनानां भक्तिभावतः / तत्परमाणुसंख्यानि पल्यान्येष सुरो भवेत् यत्कारितं चैत्यगृहं तिष्ठेद्यावदनेहसम् / / स तत्समयसंख्यानि वर्षाणि त्रिदशो भवेत् सुवर्णरूप्यरत्नमयीं दृषल्लेख(प्य)मयीमपि / कारयेद्योऽर्हतां मूर्तिं स वै तीर्थंकरो भवेत् अङ्गुष्ठमात्रामपि यः प्रतिमा परमेष्ठिनः / कारयेदाप्य शक्रत्वं स लभेत्परमं पदम् . धर्मद्रुमूलं सच्छास्त्रं जानन्मोक्षफलप्रदम् / लेखयेद्वाचयेद्यच्च शृणुयाद् भावशुद्धिकृत् लेखाप्यागमशास्त्राणि यो गुणिभ्यः प्रयच्छति / तन्मात्राक्षरसंख्यानि वर्षाणि त्रिदशो भवेत् ज्ञानभक्तिं विधत्ते यो ज्ञानविज्ञानशोभितः / प्राप्नोति स नरः प्रान्ते केवलिपदमव्ययम् // 253 // // 254 // // 255 // // 256 // // 257 // // 258 //
