________________ बद्धाः स्कन्धा गन्ध-शब्द-सौक्ष्य-स्थौल्याकृतिस्पृशः / अन्धकारा-ऽऽतपोद्योतभेदच्छायात्मका अपि // 46 // कर्म-काय-मनो-भाषा-चेष्टितोच्चासदायिनः / सुखदुःख-जीवितव्य-मृत्यूपग्रहकारिणः // 47 // प्रत्येकमेकद्रव्याणि धर्माधौं नभोऽपि च / अमूर्तानि निष्क्रियाणि स्थिराण्यपि च सर्वदा // 48 // एकजीवपरिमाणसंख्यातीतप्रदेशकौ / लोकाकाशमभिव्याप्य धर्माधर्मों व्यवस्थितौ // 49 // स्वयं गन्तुं प्रवृत्तेषु जीवाजीवेषु सर्वतः / सहकारी भवेद् धर्मः पानीयमिव यादसाम् // 50 // जीवानां पुद्गलानां च प्रपन्नानां स्वयं स्थितिम् / अधर्मः सहकार्येष यथा छायाऽध्वयायिनाम् // 51 // सर्वगं स्वप्रतिष्ठं स्यादाकाशमवकाशदम् / लोकालोकौ स्थितं व्याप्य तदनन्तप्रदेशभाक् // 52 // लोकाकाशप्रदेशस्था भिन्नाः कालाणवस्तु ये / भावानां परिवर्ताय मुख्यकालः स उच्यते // 53 // ज्योतिःशास्त्रे यस्य मानमुच्यते समयादिकम् / स व्यावहारिकः कालः कालवेदिभिरामतः // 54 // नवजीर्णादिरूपेण यदमी भवनोदरे। . . पदार्थाः परिवर्तन्ते तत् कालस्यैव चेष्टितम् // 55 // . वर्तमाना अतीतत्वं भाविनो वर्तमानताम् / पदार्थाः प्रतिपद्यन्ते कालक्रीडाविडम्बिताः // 56 // मनो-वचन-कायानां यत् स्यात् कर्म स आश्रवः / . शुभ: शुभस्य हेतुः स्यादशुभस्त्वशुभस्य सः // 57 // 291
