________________ ॥त्रयोदशश्रीविमलजिनदेशना- बोधिदुर्लभताभावनामयी॥ अकामनिर्जरारूपात् पुण्याज्जन्तोः प्रजायते / स्थावरत्वात् त्रसत्वं वा तिर्यक्त्वं वा कथञ्चन // 1 // मानुष्यमार्यदेशश्च जाति: सर्वाक्षपाटवम् / आयुश्च प्राप्यते तत्र कथञ्चित् कर्मलाघवात् // 2 // प्राप्तेषु पुण्यतः श्रद्धा-कथक-श्रवणेष्वपि / तत्त्वनिश्चयरूपं तद् बोधिरत्नं सुदुर्लभम् // 3 // राज्यं वा चक्रभृत्त्वं वा शक्रत्वं वा न दुर्लभम् / यथा जिनप्रवचने बोधिरत्यन्तदुर्लभा . // 4 // सर्वे भावाः सर्वजीवैः प्राप्तपूर्वा अनन्तशः / . . बोधिर्न जातुचित् प्राप्ता भवभ्रमणदर्शनात् पुद्गलानां परावर्तेष्वनन्तेषु गतेष्विह / अपार्धे पुद्गलावर्ते शेषे सर्वशरीरिणाम् सर्वेषां कर्मणां शेषेऽन्तःकोटीकोट्यवस्थितौ / ग्रन्थिभेदात् कश्चिदेव लभते बोधिमुत्तमाम् यथाप्रवृत्तिकरणादन्ये तु ग्रन्थिसीमनि / प्राप्ता अप्यवसीदन्ति भ्रमन्ति च पुनर्भवम् कुशास्त्रश्रवणं सङ्गो मिथ्यादृग्भिः कुवासना / प्रमादशीलता चेति स्युर्बोधिपरिपन्थिनः // 9 // चारित्रस्यापि संप्राप्तिर्दुर्लभा यद्यपीरिता / तथापि बोधिप्राप्तौ सा सफला निष्फलाऽन्यथा . // 10 // अभव्या अपि चारित्रं प्राप्य ग्रैवेयकावधि / उत्पद्यन्ते विना बोधि प्राप्नुवन्ति न निर्वृतिम् / // 7 // // 8 // 286
