________________ // 87 // गर्भावासनिवासोत्थदुःखागमभयादिव / प्रकम्पतरलैरङ्गैर्भाययन्ति परानपि // 83 // निश्चितच्यवनाश्चिद्वैर्लभन्ते न रति क्वचित् / विमाने नन्दने वाप्यामङ्गारालिङ्गिता इव // 84 // हा प्रियाः ! हा विमानानि ! हा वाप्यो ! हा सुद्धमाः ! / क्क द्रष्टव्याः पुनर्पूयं हतदैववियोजिताः ? // 85 // अहो ! स्मितं सुधावृष्टिरहो ! बिम्बाधरः सुधा / अहो ! वाणी सुधावर्षिण्यहो ! कान्ता सुधामयी // 86 // हा रत्नघटिता स्तम्भाः ! हा श्रीमन्मणिकुट्टिमाः ! / हा वेदिका रत्नमय्यः ! कस्य यास्यथ संश्रयम् ? // 87 // हा ! रत्नसोपानचिताः कमलोत्पलमालिनः / भविष्यन्त्युपभोगाय कस्येमाः पूर्णवापयः ? // 88 // हे पारिजात ! मन्दार ! सन्तान ! हरिचन्दन ! / . . कल्पद्रुम ! विमोक्तव्यः किं भवद्भिरयं जनः ? // 89 // हहा ! स्त्रीगर्भनरके वस्तव्यमवशस्य मे। .. हहाऽशुचिरसास्वादः कर्तव्यो मयका मुहुः ? // 90 // हहा हा ! जठराङ्गारशकटीपाकसम्भवम् / मया दुःखं विषोढव्यं बद्धेन निजकर्मणा ? // 91 // रतेरिव निधानानि क्वतास्ताः सुरयोषितः ?.. क्वाऽशुचिस्यन्दबीभत्सा भोक्तव्या नरयोषितः ? // 92 // एवं स्वर्लोकवस्तूनि स्मारं स्मारं दिवौकसः / विलपन्तः क्षणस्यान्तविध्यायन्ति प्रदीपवत् // 93 // असारमित्थं संसारं चिन्तयित्वा विमुक्तये / प्रयतेत परिव्रज्योपायेन शुभधीर्जनः // 94 // 201
