________________ अस्मिन् नितान्तवैराग्यव्यतिषङ्गतरङ्गिते / जायते देहिनां सौख्यं, स्वसंवेद्यमतीन्द्रियम् // 367 // त्यक्तसङ्गास्तनुं त्यक्त्वा, धर्मध्यानेन योगिनः / ग्रैवेयकादिस्वर्गेषु, भवन्ति त्रिदशोत्तमाः // 368 // महामहिमसौभाग्यं, शरच्चन्द्रनिभप्रभम् / प्राप्नुवन्ति वपुस्तत्र, स्रग्भूषा-ऽम्बरभूषितम् // 369 // विशिष्टवीर्यबोधाढ्यं, कामार्तिज्वरवर्जितम् / निरन्तरायं सेवन्ते, सुखं चाऽनुपमं चिरम् // 370 // इच्छासम्पन्नसर्वार्थमनोहारिसुखामृतम् / निर्विघ्नमुपभुञ्जाना, गतं जन्म न जानते // 371 / / दिव्यभोगावसाने च, च्युत्वा त्रिदिवतस्ततः / उत्तमेन शरीरेणाऽवतरन्ति महीतले // 372 / / दिव्यवंशे समुत्पन्ना, नित्योत्सवमनोरमान् / भुञ्जते विविधान् भोगानखण्डितमनोरथाः // 373 // ततो विवेकमाश्रित्य, विरज्याऽशेषभोगतः / ध्यानेन ध्वस्तकर्माणः, प्रयान्ति पदमव्ययम् एवं विश्वजनीनेनं, तीर्थनाथेन निर्ममे / त्रिजगत्कुमुदानन्दकौमुदी धर्मदेशना // 375 // // तृतीयश्रीसंभवजिनदेशाना-अनित्यतादर्शिका // अनित्यं सर्वमप्यस्मिन् संसारे वस्तु वस्तुतः / मुधा सुखलवेनाऽपि तत्र मूर्छा शरीरिणाम् स्वतोऽन्यतश्च सर्वाभ्यो दिग्भ्यश्चाऽऽगच्छदापदः / कृतान्तदन्तयन्त्रस्थाः कष्टं जीवन्ति जन्तवः // 374 // 259
