________________ निकाममेव कामिन्यः, कामलुब्धकवागुयः / हरिणानामिव नृणां, जायन्तेऽनर्थहेतवे // 9 // ये नर्मसुहृदः स्वादाचामैकसुहृदो हि ते / स्वामिनश्चिन्तयन्त्येते, परलोकहितं न यत् // 10 // स्त्रीकथाभिर्गीतनृत्तैर्नर्मोक्त्या मोहयन्त्यमी। षिड्गाः स्वस्वामिनमहो !, नीचाः स्वार्थकतत्पराः / // 11 // कुसंसर्गात् कुलीनानां, भवेदभ्युदयः कुतः ? / कदली नन्दति कियद् ?, बदरीतरुसन्निधौ // 12 // तत्प्रसीद कुलस्वामिन् !, स्वयं विज्ञोऽसि मा मुहः / विहाय व्यसनासक्तिं, मनो धर्मे निधीयताम् // 13 // निश्छायेन द्रुमेणेव, सरसेवाऽपवारिणा / निर्गन्धेनेव पुष्पेण, विदन्तेनेव दन्तिना // 14 // रूपेणेवाऽलवणिम्ना, राज्येनेवाऽपमन्त्रिणा / अदेवेनेव चैत्येन, रजन्येवेन्दुहीनया / यतिनेवाऽचरित्रेण, सैन्येनेवाऽपशस्त्रिणा / / मुखेनेवाऽक्षिहीनेन, निर्धर्मेण नरेण किम् ? // 16 // चक्रवर्त्यप्यधर्मः सन्, जन्म तल्लभते पुनः / / कदन्नमपि सम्प्राप्तं, साम्राज्यं यत्र मन्यते महाकुलप्रसूतोऽपि, धर्मोपार्जनवर्जितः / भवेद् भवान्तरे श्वेव, परोच्छिष्टान्न भोजनः // 18 // धर्महीनो द्विजन्माऽपि, नित्यं पापानुबन्धकः। . बिडाल इव दुर्वृत्तो, म्लेच्छयोनिषु जायते // 19 // बिडाल-व्याल-शार्दूल-श्येन-गृध्रादियोनिषु। . भवन्ति भूयिष्ठभवा, भविनो धर्मवर्जिताः / // 20 // 190
