________________ ये विरक्ता भवाम्भोधेर्बोधिलाभाम्बु पिप्रति / ते कुर्वते तीर्थराजां, भावतश्चैत्यवन्दनम् // 10 // वन्ध्यास्तनंधयप्राया, मायालोभसमन्विताः / एवंविधाः कुदेवास्तैर्वन्द्यन्ते ये भवेच्छवः // 11 // उपयोगेन निर्मुक्ता, सम्यग्दृष्टिभिरप्यहो। विधीयते वन्दना या, साऽप्युक्ता द्रव्यवन्दना // 12 // यां च मिथ्यादृशः कुर्युर्यथाछन्दा गुणोज्झिताः / मुनयोऽपि च सा सूत्रे, गदिता द्रव्यवन्दना // 13 // प्रस्तावेऽत्राधिकारोऽस्ति, भावतो या विधीयते / वन्दना विधिचैत्यानां, जृम्भते यत्र नाविधिः // 14 // चतुर्भिरधिकाशीतिर्भवभीतिप्रवर्द्धनी / आशातनानां नो यत्रोत्सूत्रभाषिक्रमो न च / // 15 // रात्रौ न नन्दिर्न बलिप्रतिष्ठे, न मज्जनं न भ्रमणं रथस्य। न स्त्रीप्रवेशो न च लास्यलीला, साधुप्रवेशो न तदत्र चैत्यम्॥ 16 // भावोऽर्थालोचनं जैनगुणरागोऽतिविस्मयः / भवभीश्चेति लिङ्गानि, भावचैत्याभिवन्दने // 17 // निस्तीर्णोऽद्य सुविस्तीर्णो, मया संसारवारिधिः / मुक्तिराज्यं सुखैः प्राज्यं, शस्तं हस्तगतं मम // 18 // धन्योऽहं येन सम्प्रासं, चिन्तामणिविजित्वरम् / वन्दनं चैत्यरत्नानामित्थं भावविशुद्धता // 19 // चैत्यवन्दनसूत्रार्थश्रवणे परमादरः / मात्राबिन्दुपदच्छंदःसंपदक्षरशुद्धता // 20 // अर्हदादिपदानां च, विचित्रार्थानुचिन्तनम् / यतः सूत्रमनन्तार्थमेकमप्युदितं श्रुतौ // 21 // . 13
