________________ कुर्वीतेर्यापथिका-प्रतिक्रमणचैत्यवन्दने तदनु / / चितिकर्मदानपूर्वे प्रत्याख्यानं विधातव्यम् // 293 // संशोध्य पात्रबन्धं पात्रं निर्मार्ण्य तेन बद्ध्वा च / संस्थापयेच्च विधिना यावत् प्रतिलेखनासमयः // 294 // पटलानि पात्रबन्धोऽथवाऽपि कल्पः प्रमादयोगेन / कथमपि खरण्टितः स्याद्विधिना प्रक्षालयेत्तानि // 295 // प्रथमं निर्मार्ण्यन्ते चीवरखण्डेन सर्वपात्राणि / तन्नित्यं प्रक्षाल्यं कुत्सादिकदोषघातार्थम् // 296 // उच्चाराय यतिजमो जिगमिषुरेकं मुनि विमुञ्चेत / वसतौ परं युवैको बालो वृद्धश्च न विमोच्यः // 297 // आवश्यकी भणित्वा त्वरमाणो युगलितो रहितविकथः / जलमात्रकं गृहीत्वा स बहिर्भुवि याति समितात्मा // 298 // पूज्ये उत्तरपूर्वे निशाचरेभ्यो भयञ्च याम्यायाम् / . मुक्त्वा दिशां त्रयमिदं स्थण्डिलभूप्रेक्षणं कुर्यात् // 299 // अनापातसंलोकं परस्यानौपघातिकम् / समं चाशुषिरं चैवा-चिरकालकृतञ्च यत् // 300 // विस्तीर्णं दूरावगाढमनासन्नं बिलोज्झितम् / प्राणबीजत्रसत्यक्तं स्थण्डिलं दशधा मतम् // 301 // स्थण्डिलभुवां चतुर्विंशतिः सहस्राणि भङ्गका एभिः / ते त्वेकशुद्धभङ्गक-सहिताः परिपूर्णतां यान्ति // 302 // उभयमुखे द्वे राशी तत्राद्यो यः स आद्यसंयोगः / स च संयोगो भक्तोऽधस्त्याङ्कानन्तरेण ततः // 303 // लब्धे भागहराङ्कोर्द्धगताङ्कहते भवेदिहाङ्को यः / स पुनद्वैतीयः संयोगाद् दशसंयुक्ताद्विशती // 304 // . 151
