________________ शकचक्रिसहस्राणि, राजरङ्कुशतानि च / मूर्खपण्डितलक्षाणि, क्षुण्णानि समवर्तिना // 160 // समं च वर्तते येन, सर्वेषां प्राणिनामयम् / समवर्ती भण्यते तेन, निर्गुणस्याप्ययं गुणः // 161 // आसतां बहवस्ताव - देकैकस्यापि देहिनः। येऽतीताः पितरस्तेषां, सङ्ख्यां कः कर्तुमीश्वरः ? // 162 // रे मूढाः ! किं समारब्धं, रुद्यते यदहर्निशम् / मृतः किं कोऽपि नो दृष्टः ? स्वगृहे परगृहेऽपि वा // 163 // आगच्छद्भिर्विगच्छद्भि - जीवैः कर्मकर्थितैः / .. न कदापि हि शून्यैषा, घोरा संसारवर्तिनी // 164 // पण्डिता नैव शोचन्ति, मुञ्चन्त्यश्रूणि मध्यमाः / . . नीचास्त्वर्थप्रदानेन, रोंदयन्ति रुदन्ति च // 165 // भो जना ! वोऽपि नैकट्ये, परलोकप्रयाणकम् / धर्मसम्बलमादाय, प्रगुणैः किं न भूयते ? // 166 // स्वकार्यासिद्धितः क्रुद्धः, पुत्रः शत्रूयतेतराम् / अतो बन्धुरबुद्धीनां, बन्धुबुद्धिरतात्त्विकी // 167 // युगादिदेवनिर्वाणे, सह शक्रेण चक्रिणा / भरतेन भूरिशब्देन, रुदता रोदिता मही // 168 // तथापि वालितो नैव, तेन स्नेहवतापि हि / श्रीमदादिजिनाधीशः, सर्वलोकैकबान्धवः // 169 // पुत्राणं मरणं श्रुत्वा, द्विजादाकस्मिकं नृपः / प्रभुः प्रभूतमेदिन्याः, सगरः शोकविह्वलः // 170 // क्षणमात्र मूर्च्छितः स्थित्वा, महाऽऽक्रन्दं चकार सः / / तथापि रुदता तेन, स्वौरसा नैव वालिताः . // 171 // 108
