________________ तह दीवसिंधुससहर-दिणयरसुरवासवासखेत्ताणं / इह सासया पइट्ठा, सुपइट्ठा होउ तह एसा // 29 // एत्थं सुहभावकए, अक्खयखेवे कयम्मि बिंबस्स / सविसेसं पुण पूया, किच्चा चिइवंदणा य तहा // 30 // मुहउग्घाडणसमणं-तरं च पूया य समणसंघस्स / फासुयघयगुडगोरस-णंतयमाईहिं कायव्वा // 31 // सोहणदिणे य सोहग्ग-मंतविनासपुव्वयमवस्सं / मयणहलकंकणं कर-यलाओ बिंबस्स अवणेज्जा // 32 // जिणबिंबस्स य विसये, नियनियठाणेसु सव्वमुद्दाओ / गुरुणा उवउत्तेणं, पउंजियव्वाओ ता य इमा // 33 // जिणमुद्द कलस परमेट्ठि अंग अंजलि तहासणा चक्का / / सुरही पवयण गरुडा सोहग्ग कयंजली चेव // 34 // जिणमुद्दाए चउकलस-ठावणं तह करेह थिरकरणं / अहिवासमंतनसणं, असणमुद्दाए अन्ने उ // 35 // कलसाए कलसण्हवणं, परमेट्ठीए उ आहवणमंतं / अंगाए समालभणं, अंजलिणा पुप्फरुहणाइ // 36 // आसणयाए पट्टस्स, पूयणं अंगफुसणं [च] चक्काए / सुरहीए अमयमुत्ती, षवयणमुद्दाए पडिबोहो // 37 // गरुडाए दुटुरक्खा, सोहग्गाए य मंतसोहग्गं / तह अंजलीए देसण-मुद्दाही कुणह कज्जाइं // 38 // चोएइ एत्थ कोइ, जह किर सामाइयम्मि किं गुरुणो। जुत्तो ठियस्स एसो, सावज्जो विहिसमारंभो ? // 39 // कायवहचरणभंसा, तम्मि जओ तस्स नियमओ हुंति / / जायइ य अविस्सासो, गुरूवएसेसु सिसाणं . 1 // 40 //
