________________ सइ एयम्मि गुणोहे संजायइ भावसावयत्तं पि / तस्स पुण लक्खणाई एयाइं भणंति सुहगुरुणो // 32 // कयवयकम्मो तह सीलवं च गुणवं च उज्जुववहारी / गुरुसुस्सूसो पवयणकुसलो खलु सावगो भावे // 33 // तत्थायन्त्रणजाणणगिण्हणपडिसेवणेसु उज्जुत्तो / कयवयकम्मो चउहा भावत्थो तस्सिमो होइ // 34 // विणयबहुमाणसारं गीयत्थाओ करेइ वयसवणं / भंगयभेयइयारे वयाण सम्मं वियाणाइ // 35 // गिण्हइ गुरूण मूले इत्तरमियरं व कालमह ताई। . आसेवइ थिरभावो आयंकुवसग्गसंगे वि // 36 // आययणं खु निसेवइ वज्जइ परगेहपविसणमकज्जे / निच्चमणुब्भडवेसो न भणइ सवियारवयणाई // 37 // परिहरइ बालकीलं साहइ कज्जाइँ महुरनीईए। इय छव्विहसीलजुओ विडेओ सीलवंतोत्थ // 38 // आययणसेवणाओ दोसा झिज्जंति वड्ढइ गुणोहो / परगिहगमणं पि कलंकपंकमूलं सुसीलाणं // 39 // सहइ पसंतो धम्मी उब्भडवेसो न सुंदरो तस्स / सवियारजंपियाई नूणमुईरंति संगग्गिं // 40 // बालिसजणकीला वि हु लिंगं मोहस्सणत्थदंडाओ। फरुसक्यणाभिओगो न संगओ सुद्धधम्माणं // 41 // जइ वि गुणा बहुरूवा तह वि हु पंचहि गुणेहि गुणवंतो / इह मुणिवरेहि भणिओ सरूवमेसिं निसामेहि // 42 // सज्झाए करणम्मि य विणयम्मि य निच्चमेव उज्जुत्तो। . सव्वत्थणभिनिवेसो वहइ रुई सुट्ट जिणवयणे 263 // 43 //
