________________ बुज्झसि बोहेसि परं, तेणं किं जइ सयं न उज्जमसि। नाणेणुवएसेण य, अभुंजमाणस्स न हि तुहि // 260 // पंचमहव्वयधरणं, चउपंचकसायइंदियनिरोहो। ... गुत्तितियं इय संयम-भेया सत्तरस भणंति .: // 261 // पाणिवहप्पमुहाणं, पंचण्हं आसवाण भावेण / ' जं सव्व विरमणं ते, महव्वया पंचमूलगुणा // 262 // तसथावरे वि जीवे, तितिहा न हणेइ जिअसरूवविऊ / हासभयकोहलोहा, अलियं पि न भासए कह वि // 263 // वज्जेइ जीवकेवली - सामिगुरूहि अदिनमाउत्तो। . . न य सेवेइ सिवट्ठा, अट्ठारसहा वि अबंभं // 264 // ओहोवग्गहउवहिसु, दव्वाइसु च चउसु वि ममत्तं / जं नायरेइ तितिहा, महव्वयं पंचमं एवं // 265 // पडिसिद्धो साहूणं, सव्वो वि परिग्गहो परमगुरुणा। सव्वाणत्थनिमित्तं, विसेसओ अत्थविसओ सो // 266 // तेसिं परिपालणट्ठा, चउहा चइयव्वमेव निसिभत्तं / न हु ठप्पा अप्पा वि हु, वसहीए सन्निही मुणिणा // 267 // जं अप्पयासठाणे, जं वा अपयासभायणे असणं / तं पि हु राईभोयण-सरिसं रिसिणो उवइसति / // 268 // सपरसमए निसिद्धं, असक्कपरिहारसुहुमजीववहं / पच्चक्खनाणिणं पि हु, वज्जं वज्जेह निसिभुत्तं // 269 // भवपुरदुवारभूए, मोहमहाचरटपयडसामंते। रुधिज्ज पावपायव-विडवे चत्तारि वि कसाए . // 270 // कोहाई ते चउरो, भेया चत्तारि तेसि पत्तेयं / / अण अप्पच्चक्खणा, पच्चक्खणा य संजलणां . // 271 // 250
