________________ छटो वग्गो पंचम वग्गगुणो तित्तिया जहन्नेणं / उक्कोसपए मणुया, संखिज्जा कोडिकोडीओ . // 35 // जीवियमईहिं तणुआ-मुच्छिममणुआ निगोयजीव व्व / तम्हा इह अहिगारो, न हु तेहिं असंखएहिं पि // 36 // पत्ते वि माणुसत्ते, आरियखित्तेसु दुल्लहो जम्मो / सड्ढपणवीस आरिय-देसा भरहम्मि मगधाई // 37 // मगहंग वंग कासी, कलिंग कुरु कोसला कुसट्टाय / जंगल वच्छ विदेहा, पंचाल सुटु संदिब्भा // 38 // मलयऽच्छ सिंधु वेई, वइराड दसन्न भंगि वड्डाय / लाटाय सुरसेणा, कुणाल तह केयई अद्धं // 39 // जत्थ न जिण कल्लाणा; न चक्किबलकेसवाण अवयारा / न य जिणधम्मपवित्ती, सगजवणाई अणज्झा ते . // 40 // जह जह तेसिं इंदिय - मणोबलं तह तहायरो पावे / ता तेहिं तो मन्ने, पवरं एगिदियत्तं पि . // 41 // उप्पन्नो वि अणारिय-देशे जं अद्दओ. वयं पत्तो / सो बुद्धिमहानिहिणो, महिमा खलु अभयमित्तस्स // 42 // छप्पनंतरदीवेसु, तहय तीसाइभोगभूमीसु / जे जुअलधम्मिमणुआ, न ते वि धम्मस्स किर जुग्गा // 43 // तत्थ वि सुसावयकुलं, दुलहं मुत्तागरु व्व बहुसुत्ति / जत्थो दया उ. दीसइ, कमेण मुत्ताण परिणामो // 44 // 'मिच्छेसु कूरकम्मसु, कुलेसु भव्वो वि असरिसेसु गओ / अप्पाणं नासेइ, खारजले साईसलिलं व // 45 // देवगुरुधम्मतत्ते, जत्थ परिक्खापरम्मुहा बुद्धी / / तेसु वि कुलेसु जाओ, कुलगव्वं वहइ ही मूढो // 46 // 231
