________________ // 8 // मज्झण्हे जिणपूआ, सुपत्तदाणाइजुत्ति भुंजित्ता / पच्चक्खाइ अ गीअत्थअंतिए कुणइ सज्झायं संझाइ जिणं पुणरवि, पूयइ पडिक्कमइ तह विहिणा / विस्समणं सज्झायं, गिहं गओ तो कहइ धम्म // 9 // पायं अबभविरओ, समए अप्पं करेइ तो निदं / निद्दोवरमे थीतणु-असुइत्ताई विचिंतिज्जा // 10 // पव्वेसु पोसहाई बंभअणारंभतवविसेसाइ / आसोअचित्तअट्ठाहिअपमुहेसुं विसेसेणं // 11 // पइचउमास समुचिअ-नियमगहो पउसे विसेसेण / पइवरिसं संघच्चण-साहम्मिअभत्तिजत्ततिगं // 12 // जिणगिहि ण्हवणं जिणधण-वुड्ढी महपूअधम्मजागरिआ / सुअपूआ उज्जवणं, तह तित्थपभावणा सोही / // 13 // जम्मं निवासठाणं, तिवग्गसिद्धीइ कारणं उचिअं / उचिअं विज्जागहणं, पाणिग्गहणं च मित्ताई. // 14 // चेइअपडिमपइट्ठा सुआइपव्वावणा य पयठवणा / पुत्थयलेहणवायण-पोसहसालाइ-कारवणं // 15 // आजम्मं संमत्तं जहसत्ति वयाइं दिक्खगहणं वा / आरंभचाउ बंभं पडिमाई अंतिआरहणा // 16 // एअं गिहिधम्मविहिं पइदिअहं निव्वहंति जे गिहिणो / इहभवि परभवि निव्वुई-सुहं लहुं ते लहंति धुवं // 17 //
