________________ संथारे थंडिले चिय अप्पडिलेहाऽपमज्जिए दो दो / संमं च अणणुपालणमइयारे पंच वज्जिज्जा .. // 117 // उवसग्गपरीसहदारुणेहिं कम्मोदएहिं नासिज्जा / रयणं व पोसहं खलु अइक्कमाईहिं दोसेहि // 118 // उग्गं तप्पंति तवं सरीरसक्कारवज्जिया निच्वं / निब्वावारा तह बंभयारि जइणो नमसामि // 119 // साहूणं जं दाणं नायागयकप्पमण्णपाणाणं / सो अतिहिसंविभागो सद्धासकारकमसहिओ // 120 // असणं पाणं तह वत्थपत्तभेसज्जसेज्जसंथारे / . अतिहीण संविभागे भेया अह एवमाईया // 121 // सोऊण अदिनेविहु कुरंगवरजुन्नसेट्ठिमाईणं / फलमिह निरंतरायस्स दाणबुद्धी सुहा होइ // 122 // साहूण वरं दाणं न देइ अह देइ कहव अमणुनं / नागसिरीविव कडुतुंबदाणओ भमइ संसारे // 123 // जं जोग्गं थेवं पि हु तं तेसिं देइ धम्मसड्ढाए / कयपुनसालिभद्दो व सावया ते सुही होति // 124 // जं साहूण न दिन्नं कहंचि तं सावया न भुंजंति / पत्ते भोयणसमए दारस्सवलोयणं कुज्जा // 125 // सच्चित्ते निक्खिवणं पिहणं ववएस मच्छरं चेव / कालाइक्कमदाणं अइयारे पंच वज्जिज्जा // 126 // दाणंतरायदोसा न देइ दिज्जंतयं च वारेइ / दिन्ने वा परितप्पइ किविणत्ताओ भवे भंगो // 127 // धन्ना य पुनमंता तेसिं सहलं च जीवियं लोएं। सेज्जंसो इव दाणं भत्तीए दिति पत्तेसु 12
