________________ संवच्छराणि बारस, राइंदिय हुँति अउणपन्नासा / छम्मास-तिनि-पलिया, पुढवाईणं ठिई उक्कोसा // 223 // असंखोसप्पिणि-सप्पिणीउ एगिदियाण चउ। ... चउण्हं ता चेव ऊ, वणस्सईए उ बोधव्वा // 224 // किण्हा-नीला-काउ-तेउ-पम्हा तहेव सुक्का य / छल्लेसा खलु एया, जीवाणं हुंति विण्णेया // 225 // मूलं साहपसाहा, गुच्छफलेछिदियपडियभक्खणया / सव्वं माणुसं पुरिसे, साउह-जुज्जत-धणहरणा // 226 // सामाइयं पढम, छेओवट्ठावणं भवे बीयं / परिहारविसुद्धीयं, सुहुमं तह संपरायं च // 227 // तत्तो य अहक्खायं, खायं सव्वम्मि जीवलोगम्मि / जं चरिऊण सुविहिया, वच्चंति अयरामरं ठाणं // 228 // पुढविदगअगणिमारुय-इक्केक्के सत्तजोणिलक्खाओ / वणपत्तेय अणंता, दस चउद्दस जोणिलक्खाओ // 229 // विगलिंदिएसु दो दो, चउरो चउरो य नारयसुरेसु / तिरिएसु हुंति चउरो, चउद्दसलक्खा उ मणुएसु // 230 // सच्चं मोसं मीसं, असच्चमोसं मणोवई अट्ठ। काउ उराल-विक्किय-आहारग-मीस-कम्मइगो // 231 // णाणं पंचविगप्पं, अण्णाणतिगं च सव्वसागारं / चउदसणमणगारं, उवओगा बारस होअन्ति // 232 // मिच्छदिट्ठी सासायणो य, तह सम्ममिच्छदिट्ठी य / . अविरय सम्मद्दिट्ठी, विरयाविरई पमत्ते य // 233 // तत्तो य अप्पमत्ते, नियट्टि अनियट्टि बायरे सुहुमे / . उवसंत-खीणमोहे, होइ सजोगी अजोगी य . // 234 // 148
