________________ पुढवि-दग-अगणि-मारुय-वणस्सईणंता पणिंदिया चउहा / वणपत्तेया विगला, दुविहा सव्वे पि बत्तीसं // 211 // मस्सूरए थिबुय सुइ, पडागा अणेगसंठाणा / पुढवी-दग-अगणि-मारुय-वणस्सइणं च संठाणा // 212 // अंगुलजोयणलक्खो, समहिओ नवबारसुक्कसो विसओ। चक्खुत्तियसोयाणं, अंगुलअसंखभागियरो // 213 // पाणा पज्जत्तीओ, तणुमाणं आउयं च कायठिई / लेसा संजमजोणी, एएसि जाणियव्वाई // 214 // पंचिंदिय-तिविहबलं, नीसासूस्सासआउयं चेव / दसपाणा पन्नत्ता, तेसिं विघाओ भवे हिंसा // 215 // आहारसरीरिदिय-पज्जत्ती आणपाण-भासमणे / चत्तारि पंच छप्पिय, एगिदियविंगलसन्नीणं विग्गहगइमावन्ना, केवलिणो समुहया अजोगीया / सिद्धा य अणाहारा, सेसा आहारगा जीवा . // 217 // अद्दामलयपमाणे, पुढवीकाए हवंति जे जीवा / ते पारेवयमित्ता, जंबूदीवे न माइज्जा // 218 // एगम्मि उदगबिंदुम्मि, जे जीवा जिणवरेहिं पन्नत्ता / ते वि य सरसवमित्ता, जंबुदीवे न मायंति // 219 // एगस्स दुण्ह तिण्हव, संखेज्जाण जाव ण पासिउं सक्का / दीसंति सरीराई, पुढवीजियाणं असंखिज्जा // 220 // आऊतेऊवाउ, एसिं सरीराणि पुढविजुत्तीए / दीसंति वणसरीरा, दीसंति असंख संखिज्जा // 221 // बावीस सहस्सा सत्त-सहस्साई तिन्नि अहोरत्ता / वाए तिन्नि सहस्सा, दसवाससहस्सिया रुक्खा // 222 // 149
