________________ मिच्छत्तमहाकूवा, निग्गंतूण ऽज्जिऊण य कमेण / संमत्तदेसविरई-चरणाइपरंपरं परमं // 722 // एवं परंपराए, गवाण मोक्खं सया नमो होउ / जस्स जहिं मलविगमो, तस्स तहिं चेव मुत्तिपयं // 723 // एवंविहदुन्नयनिर-सणथमच्चंतसुद्धबुद्धीहि / लोयग्गमुवगयाणं, पयमेवं पयडमुवइ8 // 724 // लोगो चउदसरज्जू, इसिपब्भाराभिहाणवरपुढवी / लोयग्गथूभिया सा, सीया य जिणागमपसिद्धा // 725 // तेसि उवरि गंतूण जोयणं तस्स उवरिमे कोसे / उवरिमछब्भायम्मी, लोयग्गं सिवपयं मुत्ती // 726 // तं ठाणमुवगयाणं, असेसकम्मक्खएण पत्ताणं / सव्वेसु वि संबज्झइ, नमो सया सव्वसिद्धाणं // 727 // सव्वं सिद्धं जेसिं, सज्झं थेवं पि कि पि नहि अस्थि / ते हुँति सव्वसिद्धा, जइ वा अनो इमो अत्थो // 728 // तित्थातित्थाहि(इ)उवा-हिभेयओ ऽणेगहा जिणमयम्मि / सिद्धा हुँति पसिद्धा, सव्वग्गहणेण ते गहिया // 729 // सिद्धा अणेयभेया, तित्थंतित्थयरतदियरा चेव / सय-पत्तेयविबुद्धा, बुहबोहिय-स-ऽन्न-गिहिलिगे // 730 // इत्थी-पुरिस-नपुंसक-एगा-ऽणेग तह समयभिन्ना य / तग्गहणत्थं भणियं, नमो सया सव्वसिद्धाणं // 731 // सामनेण जिणाई, वंदित्ता वंदई विसेसेण / आसनुवयारित्ता, वीरं वटुंततित्थयरा(रं) // 732 // एयस्स अक्खरत्थो, सुगमो साहेमि नवरं भावत्थं / जो देवाण वि देवो, निच्चं सुरसेवियत्ताओ // 733 // .. 113
