________________ पउमं बहुप्पयारं, तहवि हु रत्तुप्पलं इहं पगयं / तस्सरिसी जस्स पहा, सो खलु पउमप्पहो अरहा // 566 // जइ. वि इह वासुपुज्जो, एरिसवन्नो तहा वि हु विसेसो / पउमसयणम्मि जणणीऍ डोहलो तेण पउमाभो / // 567 // पासा देहविभागा, सुसोहणा जस्स सो खलु सुपासो / सव्वे वि एरिस चिय, एत्थ वि हेऊ इमो अन्नो // 568 // गब्भगए जं जणणी, जायसुपासा तओ सुपासजिणो / चंदसमा देहपहा, जस्स उ चंदप्पहो सो उ // 569 // सुविहिजिणो वि हु एवंविहो त्ति भन्नइ विसेसहेऊ तो / चंदपियणम्मि जणणीऍ डोहलो तेण चंदाभो // 570 // सुविहिं च पुष्पदंतं, सुविही नामं विसेसणं बीयं / . तत्थ वि विही विहाणं, किरिया सा सोहणा जस्स // 571 // सो सुविही नामसत्थो, कारणमेयस्स जेण से जणणी / सव्वविहीसु वि कुसला, गब्भगए तेण सुविहिजिणो // 572 // कुंदकुसुमाणुरूवा, दंता जं तस्स पुप्फदंतो तो / अन्ने एयं नामं, सुविहिं च विसेसणं देंति // 573 // सीयलवयणो लेसाएँ, सीयलो तेण सीयलो भयवं / सव्वे वि एरिस च्चिय, विसेसहेऊ इमस्सेसो // 574 // गब्भट्ठिए जिणेंदे, जणणीहत्थेण फुसियदेहस्स। पिउणो दाहोवसमो, संजातो सीयलो तेण // 575 // सेया पसंसणिज्जा, अंसा देहस्स अवयवा जस्स। . सो सेज्जंसो भन्नइ, एसो अन्नो वि पज्जाओ // 576 // महरिहसेज्जारुहणम्मि डोहलो आसि जेण जंणणीए / गब्भगए भगवंते, सा किर सेज्जा अपरिभोगा . // 577 / / 100
