________________ सबरी वसणविरहिया, करेहि सागारियं जह ठएइ / ठइऊणं गुज्झदेसं, करेहि इय कुणइ उस्सग्गं // 482 // अवणामिउत्तिमंगो, ठाउ(काउ) स्सग्गं जहा कुलवहु (व्व) स्स / निगलियओ विव चलणे, वित्थारिय अहव मेलविउं // 483 // काऊण चोलपट्टे, अविहीए नाहिमंडलस्सुवरि / हिट्ठा य जाणुमेत्तं, चिट्ठइ लंबुत्तरुस्सग्गं // 484 // उच्छाइऊण य थणे, चोल(ग) पट्टेण ठाइ उस्सग्गं / दंसाइरक्खणट्ठा, अहवा अन्नाणदोसेण // 485 // मेलित्तु पण्हियाओ, चलणे वित्थारिऊण बाहिरओ / ठाउस्सग्गं एसो, बाहिरउद्धी मुणेयव्वो // 486 // अंगुढे मेलविउं, वित्थारिय पण्हियाओ बाहिं तु / ठाउस्सग्गं एसो, भणिओ अभिंतरुद्धि त्ति // 487 // कप्पं वा पट्टे वा पाउणिउं संजई व उस्सगे / ठाइ य खलिणं व जहा, रयहरणं अग्गओ काउं // 488 // भामेइ तहा दिटुिं, चलचित्तो वायसो व उस्सग्गे / छप्पइआण भएण व, कुणेई पट्ट कविटुं व // 489 // सीसं पकंपमाणो, जक्खाइट्ठो व्व कुणइ उस्सग्गं / मूओ व हुंहुयंतो, तहेव छिज्जंतमाईसु // 490 // अंगुलि-भमुहाओ वि(चि)य चालितो तह(य)कुणइ उस्सग्गं / आलावयगणणट्ठा, संठवणत्थं च जोगाणं // 491 // काउस्सग्गम्मि ठिओ, सुरा जहा बुडबुडेइ अव्वत्तं / अणुपेहंतो तह वानरो व्व चालेइ उट्ठउडे // 492 // एए काउस्सग्गं, कुणमाणेण वि बुहेण दोसा ओ। सम्मं परिहरियव्वा, जिणपडिकुट्ठ त्ति काऊणं // 493 //
