________________ // 15 // // 16 // // 17 // लब्धान्नं यदि धर्मदानविषये दातुं न यैः शक्यते, दारिद्रयोपहतास्तथापि विषयाशक्तिं न मुञ्चन्ति ये / धृत्वा ये चरणं जिनेन्द्रगदितं तस्मिन् सदा नादरास्तेषां जन्म निरर्थकं गतमजाकण्ठे स्तनाकारवत् दुर्गन्धं नवभिर्वपुः प्रवहति द्वारैरिमैः संततम्, संदृष्ट्वापि हि यस्य चेतसि पुनर्निर्वेदता नास्ति चेत् / तस्माद्यद्भुवि वस्तु किशमहो तत्कारणं कथ्यते, श्रीखण्डादिभिरङ्गसंस्कृतिरियं व्याख्याति दुर्गन्धताम् शोचन्ति न मृतं कदापि वनिता यद्यस्ति गेहे धनम्, तच्चेनास्ति रुदन्ति जीवनधिया स्मृत्वा पुनः प्रत्यहम् / कृत्वा तद्दहनक्रियां निजनिजव्यापारचिन्ताकुलास्तन्नामापि च विस्मरन्ति कतिभिः संवत्सर्योषितः अन्येषां मरणं भवानगणयन् स्वस्यामरत्वं सदा, देहिन् ! चिन्तयसीन्द्रियद्विपवशी भूत्वा परिभ्राम्यसि / अद्य स्व:पुनरागमिष्यति यमो न ज्ञायते तत्त्वतः, तस्मादात्महितं कुरु त्वमचिराद्धर्म जिनेन्द्रोदितम् देहे निर्ममता गुरौ विनयता नित्यं श्रुताभ्यासता, चारित्रोज्वलता महोपशमता संसारनिर्वेदता / अन्तर्बाह्यपरिग्रहत्यजनता धर्मज्ञता साधुता, साधो ! साधुजनस्य लक्षणमिदं संसारविच्छेदनम् लब्वा मानुषजातिमुत्तमकुलं रूपं च नीरोगताम्, बुद्धि धीधनसेवनं सुचरणं श्रीमज्जिनेन्द्रोदितम् / लोभार्थं वसुपूर्णहेतुभिरलं स्तोकाय सौख्याय भो, देहिन् ! देहसुपोतकं गुणभृतं भक्तुं किमिच्छास्ति ते // 18 // // 19 // // 20 //
