________________ . // 3 // अपत्यममत्वमोचनाधिकारः मा भूरपत्यान्यवलोकमानो, मुदाकुलो मोहनृपारिणा यत् / चिक्षिप्सया नारकचारकेऽसि, दृढं निबद्धो निगडैरमीभिः // 43 // आजीवितं जीव ! भवान्तरेऽपि वा, शल्यान्यपत्यानि न वेत्सि किं हृदि / चलाचलैर्ये विविधार्तिदानतोऽनिशं निहन्येत समाधिरात्मनः // 44 // कुक्षौ युवत्याः कृमयो विचित्रा, अप्यस्रशुक्रप्रभवा भवन्ति। न तेषु तस्या न हि तत्पतेश्च, रागस्ततोऽयं किमपत्यकेषु // 45 // त्राणाशक्तेरापदि संबन्धानन्त्यतो मिथोऽङ्गवताम् / संदेहाच्चोपकृतेर्मापत्येषु स्निहो जीव // 46 // // 4 // धनममत्वमोचनाधिकारः याः सुखोपकृतिकृत्त्वधिया त्वं मेलयनसि रमा ममताभाक् / पाप्मनोऽधिकरणत्वत एता, हेतवो ददति संसृतिपातम् // 47 // यानि द्विषामप्युपकारकाणि, सर्पोन्दुरादिष्वपि यैर्गतिश्च / शक्या च नापन्मरणामयाद्या, हन्तुं धनेष्वेषु क एव मोहः // 48 // ममत्वमात्रेण मनःप्रसादसुखं धनैरल्पकमल्पकालम् / . आरम्भपापैः सुचिरं तु दु:खं, स्यादुर्गतौ दारुणमित्यवेहि // 49 // द्रव्यस्तवात्मा धनसाधनो न, धर्मोऽपि.सारंम्भतयातिशुद्धः / निःसङ्गतात्मा त्वतिशुद्धियोगात्, मुक्तिश्रियं यच्छति तद्भवेपि 50 // क्षेत्रवास्तुधनधान्यगवाश्चैर्मेलितैः सनिधिभिस्तनुभाजाम् / क्लेशपापनरकाभ्यधिक: स्यात्को गुणो न यदि धर्मनियोगः // 51 // आरम्भैर्भरितो निमज्जति यतः प्राणी भवाम्भोनिधावीहन्ते कुनृपादयश्च पुरुषा येन च्छलाद् बाधितुम् / 35
