________________ यथा विदां लेप्यमया न तत्त्वात्, सुखाय मातापितृपुत्रदाराः / तथा परेऽपीह विशीर्णतत्तदाकारमेतद्धि समं समग्रम् // 24 // जानन्ति कामानिखिलाः ससंज्ञाः, अर्थ नराः केऽपि च केऽपि धर्मम्। जैनुं च केचिद् गुरुदेवशुद्धं, केचित् शिवं केऽपि च केऽपि साम्यम् स्निह्यन्ति तावद्धि निजा निजेषु, पश्यन्ति यावन्निजमर्थमेभ्यः / इमां भवेऽत्रापि समीक्ष्य रीति, स्वार्थे न कः प्रेत्यहिते यतेत // 26 // स्वप्नेन्द्रजालादिषु यद्वदाप्तै-रोषश्च तोषश्च मुधा पदार्थैः / तथा भवेऽस्मिन् विषयैः समस्तैरेवं विभाव्यात्मलयेऽवधेहि // 27 // एष मे जनयिता जननीयं, बन्धवः पुनरिमे स्वजनाश्च / द्रव्यमेतदिति जातममत्वो, नैव पश्यसि कृतान्तवशत्वम् // 28 / / नो धनैः परिजनैः स्वजनैर्वा, दैवतैः परिचितैरपि मन्त्रैः / रक्ष्यतेऽत्र खलु कोऽपि कृतान्तान्नो विभावयसि मूढ ! किमेवम् 29 // तैर्भवेऽपि यदहो सुखमिच्छंस्तस्य साधनतया प्रतिभातैः / मुह्यसि प्रतिकलं विषयेषु, प्रीतिमेषि न तु साम्यसत्तत्त्वे // 30 // किं कषायकलुषं कुरुषे स्वं, केषुचिन्ननु मनोऽरिधियात्मन् ! / तेऽपि ते हि जनकादिकरूपैरिष्टतां दधुरनन्तभवेषु // 31 // याश्च शोचसि गताः किमिमे मे स्नेहला इति धिया विधुरात्मन् ! / तैर्भवेषु निहतस्त्वमनन्तेष्वेव तेपि निहता भवता च // 32 // त्रातुं न शक्या भवदुःखतो ये, त्वया न ये त्वामपि पातुमीशाः / ममत्वमेतेषु दधन्मुधात्मन् ! पदे पदे किं शुचमेषि मूढ ? // 33 // सचेतनाः पुद्गलपिण्डजीवा, अर्थाः परे चाणुमया द्वयेऽपि / दधत्यनन्तान् परिणामभावांस्तत्तेषु कस्त्वर्हति रागरोषौ // 34 // 33
