________________ अनङ्गो मृदुपुष्पास्त्रोऽबलामात्रपरिच्छदः / जगज्जिगाय य: कामस्तस्य जानीहि मां गुरुम् // 7 / 276 // नाघाते परिघो गदा न कदने चक्रं न संचूर्णने, वजं नैव विदारणे न च धनुर्ध्वंसे न खड्गाः क्षते / सत्यं वच्मि न कृत्रिमं ध्रुवमिदं मोहस्य युद्धाजिरं, प्राप्तस्य प्रभवन्ति न प्रमथने व्यालानलाद्या अपि // 7 / 277 // वज्री वज्रबली बलो हलबली चक्री च चक्राबली, क्षत्रः शस्त्रबली द्विपो रदबली सर्पश्च दृष्ट्राबली / लिङ्गी शापबली कटूदितबली विप्रो धनी रैबली, मोहस्याहवभागमागतवतः सर्वो न किञ्चिद्बली // 7 / 278 // नानासंग्रामसंमर्दात् क्वाहं कर्कशविग्रहः / . अदृष्टसमरायासः क्व त्वं मृदुलपुद्गलः // 7 / 279 // मया पुरा पराभूता भूयांसस्तव सेवकाः / तैरुक्तैर्दूयसे यद्वा परं किं मे प्रयोजनम् // 71280 / / त्वदेकधीरादिमचक्रिसूनुर्बद्धो बलाज्जीवति नायके ते / असद्भवेषु भ्रमितो मरीचिवीरो मया सागरकोटिकोटिम् // 7 / 281 // यः कण्डरीकस्त्वदनीकपूरपुरस्सरः सोऽपि ममानुगेन / जिह्वेन्द्रियेण प्रसभं निबध्य क्षिप्तः क्षणात्सप्तमनारकान्धौ।। 7 / 282 / / महाबलो बाहुबली तवास्तां भक्तौ नृपौ यो मम सैनिकाभ्याम् / तयोर्वधूवेषमकार्यतैको वर्षं पर: स्तम्भित एव तस्थौ // 7 / 283 // ये सत्यकिश्रेणिकभूपमुख्यास्त्वमन्त्रिगृह्याः प्रथिताः पृथिव्याम् / ते मामकीनांविरतिस्त्रियैव निरुध्य नीता नरके निवासम्।। 7 / 284 // मम स्पर्धां यत्त्वं वहसि हसितास्तेन कृतिनः, करे धत्से शस्त्रं दधति न घृणां तेन सुभटाः / ... 23.
