________________ प्राज्यं राज्यं परीवारः सारः श्री: पुष्कलं बलम् / कोशोऽकृशो विवेकस्य यथास्ति न तथा तव // 5 / 174 // दृग्गोचरं गते तस्य राज्ये राज्यं बुधास्तव। मन्यन्ते शबरावासं वासवस्य पुरः पुरः // 5 / 175 // ये बाला ये च तरुणाः पुरुषा येऽत्र याः स्त्रियः। . ते जातिवैरिवत्सर्वे तत्र त्वय्याततायिनः // 5 / 176 // महामन्त्रान् जपन्त्येके श्राम्यन्त्यन्ये दिवानिशम् / उपवस्वादिशस्त्राणि शीशांसंतेऽपरे पुनः . // 5/177 // लिखन्ति यन्त्रकान् केऽपि परभङ्गोपयोगिनः / सर्वेषामपि तत्रैवं त्वद्वधार्थमुपक्रमः // 5 / 178 // प्रलोभ्य सुखवार्ताभिस्त्वत्पुरीवासिनं जनम् / निवासयिषतीदानी विवेको मुक्तिपत्तनम्' / / 5 / 179 // निगोदनगरीवासिजनताया बहुत्वतः / त्वया तनूभवन् वासो निजो नाथं ! न बुध्यते . // 5 // 180 // इत्याकर्ण्य गिरं दम्भान्मोह: किकृत्यताजङ / निश्चलाङ्गोऽभवच्छाखाभ्रष्टप्लवगवत्क्षणम् // 5181 // विपक्षवंशविस्तारचिन्ताकलुषिताननम् / व्यजिज्ञपन्नृपं पञ्चशरोऽवसरवित्सुतः // 5182 // मयि जीवति भृत्याणौ किमेवं तात ! खिद्यते / खिद्यतां च तव द्वेषिवृन्दं बन्दीकृतं मया // 5 / 183 // सुते सति न चेत्मुञ्चेच्चिन्तां तातस्तदा ध्रुवम् / हेतुः सुतस्य दौर्बल्यमज्ञत्वं जनकस्य वा // 5 / 184 // मुक्ताः शुक्तिपुटस्येव केऽपि पुत्राः पितुश्छिदे / रविणेव शनिः केऽपि पित्रा वैराय निष्प्रभाः // 5 / 185 // 28
