________________ तप्ततैलकभल्लीषु पच्यमानेन यत्त्वया / संप्राप्तं परमं दुःखं तद्वक्तुं नैव पार्यते // 144 // नानायन्त्रेषु रौद्रेषु पीड्यमानेन वह्निना / दुःसहा वेदना प्राप्ता पूर्वकर्मनियोगतः // 145 // विण्मूत्रपूरिते भीमे पूति-श्लेष्म-वसाकुले / भूयो गर्भगृहे मातुर्दैवाद्यातोऽसि संस्थितिम् // 146 // तिग्गतौ च यदुखं प्राप्तं छेदन-भेदनैः / न शक्तस्तत्पुमान् वक्तुं जिह्वाकोटिशतैरपि // 147 // संसृतौ नास्ति तत्सौख्यं यन्न प्राप्तमनेकधा / देव-मानव-तिर्यक्षु भ्रमता जन्तुनाऽनिशम् // 148 // चतुर्गतिनिबन्धेऽस्मिन् संसारेऽत्यन्तभीतिदे।। सुख-दुःखान्यवाप्तानि भ्रमता विधियोगतः // 149 // एवं चिरमिदं कष्टं ज्ञात्वाऽत्यन्तविनश्वरम् / . कथं न यासि वैराग्यं ? धिगस्तु तव जीवितम् // 150 // जीवितं विद्युता तुल्यं संयोगाः स्वप्नसन्निभाः / सन्ध्यारागसमः स्नेहः शरीरं तृणबिन्दुवत् // 151 // इन्द्रचापसमा भोगाः सम्पदो जलदोपमाः / यौवनं जलरेखेव सर्वमेतदशाश्वतम् / // 152 // समानवयसो दृष्ट्वा मृत्युना स्ववशीकृतान् / कथं चैतत्समो नास्ति मनागपि हितात्मनः // 153 // सर्वाऽशुचिमये काये नश्वरे व्याधिपीडिते / को हि विद्वान् रति गच्छेद् यस्याऽस्ति श्रुतसङ्गमः // 154 // चिरं सुपोषित: कायो भोजनाच्छादनादिभिः / विकृति याति सोऽप्यन्ते काऽऽस्था बाह्येषु वस्तुषु ? // 155 // . . . 123
