________________ आत्माभिलाषरागाणां यः श्रमः क्रियते बुधैः / तदेव परमं तत्त्वमित्यूचुर्ब्रह्मवेदिनः // 84 // इन्द्रियाणां शमेनाऽलं राग-द्वेषजयेन च / आत्मानं योजयेत् सम्यक् संसृतिच्छेदकारणम् .. // 85 // इन्द्रियाणि वशे यस्य यस्य दुष्टं न मानसम् / . .. .. आत्मा धर्मरतो यस्य सफलं तस्य जीवितम् // 86 // परनिन्दासु ये मूका निजश्लाघापराङ्मुखाः / ईदृशैर्ये गुणैर्युक्ताः पूज्याः सर्वत्र विष्टपे.. // 87 // प्राणनाशेऽपि संप्राप्ते वर्जनीयानि साधुना / परलोकविरुद्धानि येनात्मा सुखमश्नुते / // 88 // संमानयति भूतानि यः सदा विनयान्वितः / स प्रियः सर्वलोकेऽस्मिन् नापमानं समश्नुते // 89 // किम्पाकस्य फलं भक्ष्यं कदाचिदपि धीमता / विषयास्तु न भोक्तव्या यद्यपि स्युः सुपेशलाः // 90 // स्त्रीणां सम्पर्कजं सौख्यं वर्णयन्त्यबुधा जनाः / विचार्यमाणमेतद्धि दुःखानां बीजमुत्तमम् // 91 // स्मराग्निना प्रदग्धानि शरीराणि शरीरिभिः / / शमाम्भसा ह्यसिक्तानि निर्वृत्तिं नैव भेजिरे // 92 // अग्निना तु प्रदग्धानां शमोऽस्तीति यतोऽत्र वै। स्मरवह्निप्रदग्धानां शमो नास्ति भवेष्वपि / // 93 // मदनोऽस्ति महाव्याधिदुश्चिकित्स्यः सदा बुधैः / संसारवर्धनोऽत्यर्थं दुःखोत्पादनतत्परः // 94 // यावद्यस्य हि कामाग्निर्हदये प्रज्वलत्यलम् / . आश्रयन्ति हि कर्माणि तावत्तस्य निरन्तरम् // 95 // 118
