________________ कुमग्गसंसग्गविलग्गबुद्धी, जो बुज्झई मुद्धमई न धिद्धीं। तस्सेव एसो परमो अलाहो अंगीकऊ जेण जणप्पवाहो // 24 // छज्जीवकाए परिरक्खिऊणं, सम्मं च मिच्छं सुपरिक्खिऊणं। सिद्धंतअत्थं पुण सिक्खिऊणं, सुही जई होइ जयम्मि नूणं // 25 // इमे चइज्जति जया कसाया, तया तया चित्तगया विसाया। पसंतभावं खु लहिज्ज चित्तं, तत्तो भवे धम्मपहे थिरत्तं . // 26 // धणं च धन्नं च बहुप्पयारं कुटुं(९)बमेयं पि धुवं असारं। जाणित्तु धम्मं कुरु सव्ववारं जऊ लहिज्जा लहु दुक्खपारं // 27 // असासएसुं विसएसु सज्जो, जो मुज्झई मिच्छपहे अणज्जो।.. सो चंदणं रक्खकए दहिज्जा, चिंतामणि कायकए गमिज्जा // 28 // पूया जिणाणं सुगुरूण सेवणं, धम्मक्खराणं सवणं वियारणं। . तवोविहाणं तह दानदापणं, सुसावयाणं बहुपुन्नभायणं // 29 // कोहाइया सोलस जे कसाया, पच्चक्खरूवा नणु ते पिसाया। छलंति ते लोयमिमं समग्गं, दुक्खं समप्पंति तहा उदग्गं // 30 // परोपहासं न कहिं पि कुज्जा, लहुत्तणं जेण जणो लहिज्जा। परस्स दोसेसु मणं न दिज्जा, धीमं नरो धम्मधुरं धरिज्जा // 31 // जिणिंदसिद्धारियचेइयाणं, संघस्स धम्मस्स तहा गुरुणं / सुयस्सुवज्झायसुदंसणेसु, दसण्हमेसि विणयं करेसु // 32 // मणे मणागं पि हु तिव्वरोसो, न धारियव्वो कयपावपोसो / जऊ भवे पुन्नजलस्स सोसो, संपज्जए कस्स वि नेव तोसो // 33 // महारिसीणं अरिणा समाणो, न आणियव्वो हिययम्मि माणो। . धम्मं अहम्मं च वियाणमाणो, हुज्जा जणो जेण जडोवमाणो // 34 // सुसाहुवग्गस्स मणे अमाया, निसेहियव्वा सययं पि माया। समग्गलोयाण वि जा विमाया-समा समुप्पाइय सुप्पमाया // 35 // 272
