________________ // 12 // // 13 // // 14 // // 15 // // 16 // // 17 // कइया कालविहाणं, काउं आयंबिलाइतवोकम्मं / कयजोगो जुग्गसुयं, अंगोवंगं पढिस्सामि ? कइया पकप्प-पणकप्प-कप्पववहारजीयकप्पाई / छेयसुयं सुयसारं, विसुद्धसद्धो पढिस्सामि ? सीलंगसंगसुभगो, अणंगभंगम्मि विहियसंसग्गो / चंगसंवेगरंगो, कया रमिस्सामि निस्संगो ? परदूसणपरिमुक्को, अत्तुक्करिसम्मि विमुहपरिणामो / दसविहसामायारी-पालणनिरओ कया होहं ? सहमाणो य परिसह-सिन्नं नीउच्चमज्झिमकुलेसुं / लद्धावलद्धवित्ती, अण्णायउंछं गवेसिस्सं रागद्दोसविउत्तो, संजोयणविरहिओ कया कज्जे / पन्नगबिलोवमाए, भुंजिस्सं सम्ममुवउत्तो ? सुत्तत्थपोरिसिपरो, जुत्तो य समत्तजीयकप्पेहिं / मासकप्पेण कया, विहरिस्सं उज्जुयविहारो ? परपरिवायविरत्तो, समचित्तो सत्तुमित्तसत्तेसु / कइया विगहारहिओ, सज्झायपरो भविस्सामि ? विलसंतअज्जुणगुणे, सुकुसुमबाणासणे फुरियकरुणे / विहरिस्सं धम्मवणे, बहुमयंदमणे अहं कइया ? कइया विमलासोए, परागसुमणसवसेण कयमोए / धम्मारामे रम्मे, पयडियसम्मे रमिस्सामि ? भयभेरवणिक्कंपो, सुसाणमाईसु विहियउस्सग्गो / तवतणुअंगो कइया, उत्तमचरियं चरिस्सामि ? तवसुत्तसत्तपभिइ - भावणजुत्तो कया पढियपुव्वो। पडिमापडिवत्तिधरो, परमत्थपयं पसाहिस्सं ? 243 // 18 // // 19 // // 20 // // 21 // // 22 // // 23 //
