________________ // 219 // // 220 // // 221 // // 222 // // 223 // // 224 // एत्थ य हरिणत्ते पुप्फचूलकुमरेण जह सभज्जेण / दुहमणुभूयं तह सुणसु जीव ! कहियं महरिसीहिं पज्जलियजलणजालासु उवरि उल्लंबिऊण जीवंतो। भुत्तोऽसि भुंजिउं सूयरत्तणे किह न तं सरसि? गहिऊण सवणमुच्छालिऊण वामाओ दाहिणगमम्मि / सुणयम्मि तओ तत्थ वि विद्धो सेल्लेण निहणगओ उप्पन्नस्स पिउस्स वि भवपरियत्तीइ सूयरत्तेण / पिट्ठिमंसक्खाई रायसुओ बोहिओ मुणिणा लुद्धो फासम्मि करेणुयाए वारीए निवडिओ दीणो। झिज्जइ दंती नाडयनियंतिओ सुक्खरुक्खम्मि विंझरमियाइं सरिउं झिज्जंतो निबिडसंकलाबद्धो / विद्धो सिरम्मि सियअंकुसेण वसिओ सि गयजम्मे सोऊण सीहनायं पुदि पि विमुक्कजीवियासस्स / निवडतसीहनहरस्स तत्थ किं तुह दुहं कहिमो? भिसिणाबिसाई सल्लइ-दलाई सरिऊण जुन्नघासस्स / कवले गिण्हतो आरियाइहि कहकह न विद्धोसि ? पडिकुंजरकढिणचिहुट्ट दसणक्खयगलियपूयरुहिरोहो / परिसक्किरकिमिजालो गओसि तत्थेव पंचत्तं जूहवइत्ते पज्जलियवणदावे निरवलंबचरणस्स। मेहकुमारस्स व दुहमणंतसो तुह समुप्पन्नं जाले बद्धो सत्थेण छिदिउं हुयवहम्मि परिमुक्को / भुत्तो य अणज्जेहिं जं मच्छभवे तयं सरसु छेत्तूण निसियसत्थेण खंडसो उक्कलंततेल्लम्मि। तलिऊण तुट्ठहियएहिं हंत भुत्तो तर्हि चेव // 225 // // 226 // // 227 // // 228 // // 229 // // 230 // 100.
