________________ सम्मे // 17 // पउमसिरि मलयसुन्दरि सुन्दरि बम्भी य पुप्फचूला य / चन्दणबालमिगावइ खंतिगुणेणं च सिद्धिगया // 12 // जिणजणणिजणयपमुहा सागरचन्दो य खंतिधम्माओ / चेडयचंडवडिंसय सुगइं गया कामदेवो य // 13 // दुन्नि सुलसा सुभद्दा देवय रोहिणी पभावई पउमा / पुट्टिलवीरसुमावय पत्ता तियसेसु खंतीए // 14 // कामो य कामिणीणं भत्ता गुणरूवसंपयाकलिओ / मणदइओ संपज्जइ आणवडिच्छो खमाधम्मे // 15 // सयलकलाकुसलाओ निम्मलकुलसीलपुनकलियाओ। लब्भंति लच्छिनिलया महिलाओ खंतिधम्माओ // 16 // वरभवणसयणधणधनसंपया हुंति खंतिधम्माओ / मणुयाण मणुयजम्मे इच्छियभोगेण संपत्ती फासुयसयणासणभोयणाणि वत्थाणि भूसणवराणि / इट्ठा मिट्ठाहारा रसायणा हुंति खंतीए . // 18 // कुंकुमकप्पूरागरुकत्थूरीकुसुमचन्दणाईणि / घाणिदियअणुकूला गंधा खंतीए लब्भंति // 19 // रूवाणि य नयणमणोहराणि सिंगारचारुसोहाणि / संपज्जंति खमाए सुइसुहया वेणुसद्दाइं // 20 // खंतीए गुणसमेओ मन्निज्जइ माणवो विरूवो वि / जह नंदिसेणसाहू पसंसिओ तियसनाहेण // 21 // न वि तं करेइ माया नेव पिया नेव बन्धवजणो य / उवयारं जह खंती सुसेविया सव्वजीवाणं // 22 // सव्वे वि गुणा खंतीइ. वज्जिया नेव दिति सोहग्गं / हरिणंककलविहूणा रयणी जह तारयड्ढा वि // 23 // 50
