________________ जइ जलइ लोए जलउ, कुसत्थपवणाहओ कसायग्गी / तं चुज्जं जं जिणवयण - वारिसित्तो वि पज्जलइ // 15 // हयमम्हाणं नाप्पं, हयमम्हाणं मणुस्समाहप्पं / जं किर लद्धविवेगा, विचिट्ठिमो बालबालु व्व // 16 // पढिअस्स तस्स. मुणिअस्स तस्स सिद्धंतसुद्धबोहस्स / सुहगुरुउवएसस्स य, अवसाणं एरिसं जीव ! // 17 // अप्पविसुद्धिनिमित्तं, किलिस्ससे ता चएसु कोवरिऊ / विमलत्तमहिलसंतो, कह मज्जसि पंकिलजलम्मि // 18 // एगस्स वि निअहिअयस्स जीव ! विनिवारणे जइ न सत्ती / ता कह णु पारभविअं, महारिविनिवारणं तुज्झ // 19 // सव्वो वि इह पसंतो, पसंतजणमज्झसंठिओ संतो। सइ कोवकारणे जो, अकोहणो सो इह पसंतो // 20 // जइ खमसि दोसवंते, ता तुह खंतीइ होइ अवगासो / अह न खमसि ता तुह अविसयाइ खंतीइ वावारो // 21 // जइ खमसि तो नमिज्जसि, छज्जइ नाम पि तुह खमासमण / अह न खमसि न नमिज्जसि, नाम पि निरत्थयं वहसि // 22 // दड्डो अं तवो फुसिओ अ, संयमो मइलिअंच चारित्तं / हारविअं सामन्नं, कोहकसायं वहंतेण // 23 // कोहानलवसगाणं, पसमामयभावियाण य हवंति / इहयं चिय दोसगुणा, नायमचंकारिभट्टि त्ति // 24 // एअं खंतीकुलयं, दुद्दमजीवाणुसासणं अहवा / जो परिभावइ सम्मं, सो पावइ पसमवररयणं // 25 //
