________________ कमलवणं पि हु वियसइ, उसिणकरे मउलियइ अमयकिरणे / अहवा जडाण संगो, सुविवेयविणासणो होइ // 12 // सुविवेयरयणहरणो, कसायकलुंसाण संगमो नियमा / .. पाडोसिए पलित्ते, किं डज्झइ अप्पणो न गिहं // 13 // सुयनाणं मुत्तूणं, निययायरणं न साहए सिद्धि। . . कि होइ परित्राणं भमुहाहिं गएहि नयणेहिं // 14 // . निक्कारणं पि के वि हू.. अववायपयं बहुं पयासिति / गंगगयं कहति य, केरठियं मारियं न पुणो ___ // 15 // इयरभणियम्मि तोसो, जिणिदवयणम्मि जहं(जेसि)पुण पउसो / तेसिं विसं पि अमयं, अमयं विसं हा महामोहो // 16 // दिणयरकरनियरं पिव, जिणागमं तमहरं पि तिमिरकरं / घूयस्स व जइ हवए, ताहं फुडं व(रि?)पुरिह मोहो // 17 // लोइयमिच्छत्तविसं, आगममंतेण नासइ असेसं / लोगुत्तरं तु विसमं, न पहू चक्कं सगुत्तस्स // 18 // विसयमहाविसघारिय, सिद्धंतसुहारसेण जीवंति / जिणवयणामयसित्ता वि, घारिया ते कहं हुंति // 19 // ता किं दसमच्छेरं, अह दूसमदोसगरुयमाहप्पं / जेण जिणमग्गलग्गा, हा हीलिजंति इयरेहिं // 20 // न कुणंति सयं सम्मं, जिणधम्म उवहसंति कुणमाणं / जह अप्पणा वि रंडा, सहवउ अन्ना वि हु य विहवा // 21 // एगो करेइ धम्म, बीओ पुण मच्छरेण तहिं दुक्खी / अग्गिमसिरम्मि भारो, खिज्जइ पच्छडिओ चुज्जं // 22 // लग्गा लोइयधम्मे, मूढा वयणेहिं भणंति जिणधम्मं / सच्चमिणं कन्नाडी, गावी वासेइ मरहट्ठ . // 23 // પર
