________________ // 18 // // 19 // // 20 // // 21 // // 22 // // 23 // अद्धमसणस्स सव्वंजणस्स कुज्जा दवस्स दो भाए। वाउपविआरणट्ठा च्छब्भागं ऊणगं कुज्जा सीओ उसिणो साहारणो य कालो तिहा मुणेअव्वो। साहारणम्मि काले तत्थाहारे इमा मत्ता सीए दवस्स एगो भत्ते चत्तारि अह व दो पाणे / उसिणे दवस्स दोन्नि उ तिन्नि व सेसा उ भत्तस्स कडपयरच्छेएणं भोत्तव्वं अहव सीहखइएणं / एगेण अणेगेहि व वज्जित्ता धूम इंगालं बायालीसेसणसंकडम्मि गहणम्मि जीव न हु च्छलिओ। इण्हिं जह न च्छलिज्जसि भुंजंता रागदोसेहि जइ इच्छसि भो साहु बारसविहतवफलं महाविउलं / तो मण-वय-काएहि भोअणगिद्धि विवज्जेसु असुरसुरं अचबचबं अदुअमविलंबिअंच आहारं / रागद्दोसविमुक्को जिमिज्ज सायं अगिण्हंतो नो दाहिणाओ वामं न वामहणुआउ दाहिणं नेइ / पन्नगमिव आहारं जावणमित्तं जई जिमइ सरसरसेहिं न तूसइ विरसविगंधेहिं जाइ न पओसं। सो रसचाइसमणो सुमणों सिद्धि समल्लिअइ तह परिसाडिविमुक्कं जिमंति जइणो जिइंदिया निच्चं / जह जिमिआजिमिआणं ठाणविसेसो न लक्खिज्जा 'तित्तगं च कडुअंच कसायं अंबिलं च महुरं लवणं वा। एअलद्धमन्नट्ठ पउत्तं महुघयं व अँजिज्ज संजए अरसं विरसं वा वि सूइअं वा असूइअं। उल्लं वा जइ वा सुकं मंथुकुम्मासभोअणं // 24 // // 25 // // 26 // // 27 // // 28 // // 29 // 47
