________________ गंगापडिसोएत्तं तोलणिअव्वो तुलाइ सुरसेलो / जइयव्वं तहं एगागिणा वि भीमारिदुट्ठभरं // 12 // राहावेहविणिम्मिअचक्कट्ठिअलक्खमग्गपुत्तलिआ / विधेअव्वावस्सं उवसग्गापरीसहे जेउं // 13 // तिहुअणजयप्पडागा अगहिअपुव्वा तहेव गहिअव्वा / इअ एवमाइ साहूण दुक्करा होइ पव्वज्जा // 14 // जिणधम्मो मुक्खफलो सासय-सुक्खो जिणेहिं पन्नत्तो / नरसुरसुहाई अणुसंगिआई इह किसिपलालं व्व // 15 // भुवणज्जस्स भवणं जिणस्स न कयं न य बिंब नेअ पूइआ साहू / दुद्धरवयं न धरिअं जम्मो परिहारिओ तेहिं // 16 // मुणिवूढो सीलभरो विसयपसत्ता तरंति नो वोढुं / किं करिणो पल्लाणं उव्वोढुं रासभो तरइ // 17 // अन्नह सा पव्वज्जा वज्जिअसावज्जजोगकरणिज्जा / अन्नह पमायबहुलो जीवों वि नडेइ अप्पाणं // 18 // अन्नह सो परमत्थो अन्नह लोआण चिट्ठिअं इण्डिं / अन्नं चिअ दंता गयवराण चावंति अन्नेहि // 19 // वंसी सुहेण छिज्जइ कड्डिज्जइ दुक्करं कुडंगा उ। पव्वज्जा सुहगहिआ सीलभरो दुव्वहो होइ // 20 // बुझंति नाम भारा तच्चिअ बुज्झंति कीसमंतेहि / सीलभरो वोढव्वो जावज्जीवं अवीसामो // 21 // ता तुंगो मेरुगिरी मयरहरो ताव होइ दूत्तारो / ता विसमा कज्जगई जाव न धीरा पवजंति // 22 // दुच्चिअ हुँति गईओ साहसवंताण धीरपुरिसाण / विल्लहलकमलहत्था रायसिरी अहव पव्वज्जा // 23 // 41
