________________ // 1 // . // 2 // // 3 // // 4 // // पव्वज्जाविहाणकुलय (पविव्रजिषुहितशिक्षाकुलकम्) संसार विसम सायरभवजलपडिआण संसरंताणं / जीवाण कह वि जइ होइ जाणवत्तं व मणुअत्तं तत्थ वि बोही जिणदेसिअम्मि धम्मम्मि निक्कलंकम्मि। पव्वज्जापरिणामो सुकयप्पुण्णस्स जेइ होइ सा पुण दुप्परिअल्ला पुरिसाण सया विवेगरहिआणं / वोढव्वाइं जम्हा पंचेव महव्वयवयाइं . राईभोअणविरई निम्ममत्तं सया वि देहम्मि / पिंडो उग्गमउप्पाय-एसणाए सया सुद्धो इरियाइपंचसमिईहिं तीहिं गुत्तीहिं तवविहाणम्मि / निच्चुज्जुत्तो अममो अकिंचणो गुणसयावासो मासाइआउ पडिमा अणेगरूवा अभिग्गहा बहवे / दव्वे खित्ताणुगया.काले भावे अ बोधव्वा जावज्जीवममज्जण-मणवरयं भूमिसयणमुद्दिढ़। केसुद्धरणं च तहा निप्पडिकम्मत्तणमपुव्वं गुरुकुलवासो अ सया छुहापिवासाइआउ सोढव्वा / / बावीसं च परीसहा तहेव उस्सग्ग दिव्वाई लद्धाबलद्धवित्ती सीलंगाणं च तह सहस्साई / अट्ठारसेव सययं वोढव्वा आणुपुव्वीए तरिअव्वो अ समुद्दो बाहाहि इमो महल्लकल्लोलो / नीसाय (अ) वालुगाए चावेअव्वो सया कवलो . चंकमिअव्वं निसिअग्गखग्गधाराइ अप्पमत्तेणं / पायव्वा य सहेलं हुअवहजालावली सययं . // 7 // // 8 // // 9 // // 10 // // 11 // 40
