________________ दुट्ठा निवा दंडपरा हवंति, विज्जाहरा मंतपरा हवंति / मुक्खा नरा कोवपरा हवंति, सुसाहुणो तत्तपरा हवंति // 8 // सोहा भवे उग्गतवस्स खंती, समाहिजोगो पसमस्स सोहा / नाणं सुझाणं चरणस्स सोहा, सीसस्स सोहा विणए पवित्ती // 9 // अभूसणो सोहइ बंभयारी, अकिंचणो सोहइ दिक्खधारी। बुद्धिजुओ सोहइ रायमंती, लज्जाजुओ सोहइ एगपत्ती // 10 // अप्पा अरी होइ अणवट्ठिअस्स, अप्पा, जसो सीलमओ नरस्स / अप्पा दुरप्पा अणवट्ठियस्स, अप्पा जिअप्पा सरणं गई य // 11 // न धम्मकज्जा परमत्थि कज्जं, न पाणिहिंसा परमं अकज्जं / न पेमरागा परमत्थि बंधो, न बोहिलाभा परमत्थि लाभो // 12 // न सेवियव्वा पमया परक्का, नसेवियव्वा पुरिसा अविज्जा। न सेवियव्वा अहिमाणीहिणा, न सेवियव्वा पिसुणा मणुस्सा // 13 // जे धम्मिया ते खलु सेवियव्वा, जे पंडिया ते खलु पुच्छियव्वा / जे साहुणो ते अभिवंदियव्वा, जे निम्ममा ते पडिलाभियव्वा // 14 // पुत्ता य सीसा य समं विभत्ता, रिसी य देवा य समं विभत्ता / मुक्खा तिरिक्खा य समं विभत्ता,मुआ दरिदा य समं विभत्ता // 15 // सव्वा कला धम्मकला जिणेइ, सव्वा कहा धम्मकहा जिणेइ / सव्वं बलं धम्मबलं जिणेइ, सव्वं सुहं धम्मसुहं जिणेइ // 16 // जूए पसत्तस्स धणस्स नासो, मंसं पसत्तस्स दयाइ नासो / मज्जं पसत्तस्स जसस्स नासो, वेसा पसत्तस्स कुलस्स नासो // 17 // हिंसापसत्तस्स सुधम्मनासो, चोरीपसत्तस्स सरीर नासो / . तहा परस्थिसु पसत्तयस्स, सव्वस्स नासो अहमा गई य // 18 // दाणं दरिदस्स पहुस्स खंति, इच्छा निरोहो यसुहोइयस्स / तारुन्नए इंदियनिग्गहो य, चत्तारि एआणि सुदुक्करणि // 19 //
