________________ लाहकज्जम्मि लंबोयरायक्खणं, सवकि-पिअराण मुत्तीण कारावणं / सोनिणी-रुप्पिणी-रंगिणीअच्चणं, कूवखणणं च, खित्तेसु गोचारणं घेणुदाणाइ, महलच्छी, संकंतिआ, कज्जली, संकडाचउत्थि, जियरत्तिआ मयगकज्जम्मि जलभरिअघडमिल्हणं, भूसरावाइ, गोपुच्छउच्छेहणं 11 तिहिसु अक्कत्तणं, दहिअ विलोडणं, मावसाए अजामाइजणभोअणं। मुद्धसत्तमिदिणे वइजनाहच्चणं, सीयकालम्मि अग्गिट्ठियाबियरणं .12 वुड्डिभरणुत्तरायणय, कनाहलं, गउरिहत्थं य, माहमि घय-कंबलं / माहन्हाणं च, नवरत्त, नागच्चणं नागपंचमिआ, सूररहपूअणं // 13 // . मूलरिक्खाइजाएसु तक्कम्मयं, बारसीदाण, बुद्धऽ?मीकरणयं / अक्खतइया य एगारसीपालणं, अक्कछट्ठी अ जम्मट्ठमीराहणं // 14 // गोमयतइअ, तहऽणतया चउदसी, दोअजुअ अट्ठमी, उच्छयाबारसी। अक्कवाराइ संघेरिपरिपूअणं, लोइअं एहु मिच्छत्तु सुहचूरणं // 15 // एवमाईहिं भेएहिं परिचत्तयं, जे अ पालंति सुविसुद्धसम्मत्तयं / अद्धपुग्गलह परिमाणु संसारउ ताण हुइ, न पुण तह सो वि दुहकारउ दुग्गइदुहवारणं सुगइसुहकारणं निमियं जेहिं सम्मत्तपरिपालणं / ताण जीवाण भंडारि पडिया छुरी, तह य जाया य सोहग्गवरमंजरी 17 सुलह सुरसुरहि, सुलहो अ कप्पद्रुमो, सुलह सुरस्यणु, तह कामघडुनिरुवमो इक्कु दुलहं तु संसारिसम्मत्तयं, जेण पत्तेण पावंति सिवखित्तयं // 18 // रायगिहि रायसिरिसेणिउ नरवरो, जस्स अद्धासणं अप्पए सुरवरो। नाण-चारित्तहीणो वि सम्मत्तओ, पउमनाहो जिणो होहिही पढमओ वासुदेवो वि तह अद्धचक्कीसरो, सुद्धसम्मत्तओ बारमो जिणवरो। सुलस-रेवइमुहा लद्धजिणसंपया, साविया सुगुण होर्हिति सम्मत्तया इय दुक्खह मूलं, सुहपडिकूलं, मिच्छु जि छंडई भवियनर। ते पालिअ सम्मं जिणमयरम्मं, कमिण हुँति सिवलच्छिवर // 21 // 144
