________________ चक्कित्तं इंदत्तं गणहरअरहंतपमुहचारुपयं / मणवंछियमवरं पि हु जायइ गुरुभत्तिजुत्ताणं // 27 // आराहणाओ गुरुणो अवरं न हु किं पि अत्थि इह अमियं / तस्स य विराहणाओ बीयं हालाहलं नत्थि // 28 // एयं पि हु सोऊणं गुरुभत्ती नेव निम्मला जस्स / भवियव्वया पमाणं किं भणिमो तस्स पुण अन्नं ? // 29 // साहूण साहूणीणं सावयसड्डीण एस उवएसो / दुण्हं लोगाण हिओ भणिओ संखेवओ एत्थ // 30 // परलोयलालसेणं किं वा इहलोयमत्तसरणेणं / हियएण अहव रोहा जह तह वा इत्थ सीसेणं // 31 // जेण न अप्पा ठविओ नियगुरुमणपंकयम्मि भमरो व्व / किं तस्स जीविएणं ? जम्मेणं अहव दिक्खाए ? // 32 // जुत्ताजुत्तवियारो गुरुआणाए न जुज्जए काउं / दइवाओ मंगुलं पुण जइ हुज्जा तं पि कल्लाणं // 33 // सिरिधम्मसूरिपहुणो निम्मलकित्ती' भरियभुवणस्स / सिरिरयणसिंहसूरी सीसो एवं पयंपेइ // 34 // - पू.आ.श्रीरत्नसिंहसूरिविरचितम् .. // मनोनिग्रहभावनाकुलकम् // सिरिधम्मसूरिपहुणो उवएसामयलवं मुणेऊणं / तं चेव तिहा नमिउं मणनिग्गहभावणं भणिमो // 1 // संसारभवणखंभो नरयानलपावणम्मि सरलपहो। . मणमणिवारियपसरं किं किं दुक्खं न जं कुणइ ? // 2 // 105
