________________ लहुए वि धम्मकज्जे तइया साहूहिं चोइओ संतो / असमत्थो भणिय ठिओ अहुणा सोएसि किं तम्हा ? // 12 // चिट्ठइ राई पासई न कोइ हवउ जह तह वऽणुट्ठाणं / इय मूढ ! लोयरंजय कुणमाणो किं न लज्जेसि ? गुणिएसु मच्छरित्तं वहसि पओसं च निग्गुणजणम्मि / पररिद्धीए तम्मसि परपरिवायं तह करेसि // 14 // निच्चं पमायसीलो सुहाभिलासी य चोइओ कुवसि / सोहग्गमंजरीयं अप्पम्मि तहा वि वग्गमणो . // 15 // इय सयलं जाणेमि काउं न तरामि भणसि गुरुकम्मो / कंठमणसोसणेणं धिरत्थु तुह मूढ ! नाणेणं // 16 // अजं करेमि कल्लं करेमि धम्मुज्जमं तुम भणसि / इय निष्फलवंछाहिं समप्पिही जम्मपरिवाडी // 17 // पेच्छंतो पच्चक्खं जियलोयं जीव ! इंदयालसमं / ठगिओ इव धुत्तेहिं हा !! चेयसि किं ! न अप्पाणं ? - // 18 // सउणाणं जह रुक्खे पहियाणं जह य देसियकुडीरे / मेलावगो अणिच्चो मणुयाणं तह कुटुंबम्मि // 19 // अज्ज वि किं पि न नटुं जइ चेयसि हंदि किंपि अप्पाणं / विलवणमित्तठिओ पुण अस्नरुन्नं समायरसि // 20 // सुणहाई तिरिया वि हु भोए भुंजंति, भोयणं तह य / एरिसचरिय नराणं को संखं कुणइ पुरिसेसुं ? // 21 // जे एवं जंपंती पमायवेरि छलेह भो लोया ! / ते वि छलिज्जंति जया तया अहं कस्स किं काहं ? // 22 // बाहुल्लेणं लोओ पेच्छइ नयणेहिं नेव हियएणं / / तेणं विसएहितो कहं विरत्तो कुणउ धम्मं? // 23 //
