________________ 2 // // 3 // // 4 // पू.आ. श्रीरत्नसिंहसूरिविरचितम् // आत्महितकुलकम् // नियगुरुपायपसाया नाउं संसारविलसियविवागं / सम्मं विरत्तचित्तो अप्पहियं किं पि चिंतेमि / कालोचिय जिणआणं काउं तण्हालुयस्स मह सययं / हा ! जिय ! पमायवेरी न देइ धम्मुज्जम काउं जइ एयं सामग्गिं धम्मे लहिऊण कह वि हारेसि / ता तं पच्छायावा विहलं विलवेसि परलोए रागंधो मोहंधो कज्जाकज्जं न याणसि हयास ! / धत्तूरभामिओ इव सव्वं पिच्छसि सुवन्नमहो वेग्गमग्गलीणं खणमेगं जइ करेमि अप्पाणं / चंचलचित्तेण पुणो विहलिज्जइ ही नियंतस्स एक्को चेव दुरंतो नियचरियं जो वियाणई अप्पा / सो ताव रंजियव्वो जइ इच्छसि साहिउं धम्म // 6 // जइ इच्छसि अप्पसुहं खिन्नो सि दुहाण ता कुण उवायं / मा कोद्दवे ववंतो सालीण गवसणं कुणसु // 7 // जं आसि धम्मबीयं पुत्वभवे वावियं तए जीव ! / तं इह लुणासि संपइ वावियमिण्डिं लुणसि अग्गे // 8 // इय नाऊण अकज्जं दूरे वज्जेसि किं ? न हु अणज्ज ! / अह कालपासबद्धो जुत्ताजुत्तं कह मुणेसि ? // 9 // इंदियचोरेहिं अहं मा भवरन्नम्मि भणसु जं मुसिओ। . जाणिय चोरेहिं तुम जो गहिओ तस्स किं भणिमो? // 10 // परजणरंजणहेउं भणेसि अन्नं करेसि अवरं च / तत्थ वि पयडं कवडं हा दीसइ तुज्झ सव्वत्थ // 11 //
