________________ // 16 // // 17 // // 18 // // 19 // // 20 // इह काउणं पावं संपत्तो घोरणरयठाणेसुं / नो दीणं विलवंतो छुट्टसि चोरो इव सलोत्तो भणसि मुहेणं सव्वं तत्तं अइसुंदरं तुमं जीव ! / जं न कुणसि काऊणं तं मन्ने गरुयकम्मो सि जाव य इंदियगामो वट्टइ आणाएँ तुज्झ रे जीव ! / ता सुमरसु अप्पाणं मा तम्मसु अहव पच्छा उ रे गिहकज्जेसु सया दक्खो छेओ अईव सूरो सि / भविउं कायरदेहो सुत्तो वि य सुणसि गुरुवयणं किं चिंताए कि पलविएण किं तुज्झ जीव ! रुनेणं ? / नो कत्थइ कल्लाणं धम्माउ विणा तुमं लहसि देहमिणं गेहं पिव जं गहियं भाडएण पणदियहं / झरइ सया सव्वत्थ वि पडिपुन्नं असुइधाऊहिं निच्चं अपोसियं पुण जं मेल्लइ झत्ति निययमज्जायं / तत्थ वि का तुज्झ रई ? रे जीव ! निल्लक्खणसहाव! जं जं भणामि अहयं सयलं पि बहिं पलाइ तं तुज्झ / भरियघडयस्स उवरिं जह खिवियं पाणियं किंपि इय जीय ! मुणसि परलोयसंसारे तं विडंबणं सयलं / मन्ने जं न विरज्जसि तवंछसि नरयदुहाई वयणेणं भणिउमिणं तरामि नो सिलिउंचवेडाए / सम्मं विभाविऊणं जं जुत्तं तं करेज्जासु एवं उवएसकुलं जो पढइ सुणेइ अहव सद्धाए / सो उवमिज्जइ तेए दुहणेण रयणसिंहेणं // 21 // // 22 // // 23 // // 24 // // 25 // // 26 // .. . 3
