________________ उद्देसे 1 णिद्देसे 2, अ णिग्गमे 3 खित्त 4 काल 5 पुरिसे 6 अ। कारण 7 पच्चय 8 लक्खण 9, णए 10 समोआरणा 11 णुमए 12 किं 13 कइविहं 14 कस्स 15 कहिं 16, केसु 17 कहं 18 किच्चिरं हवइ कालं 29 / कइ 20 संतर 21 मविरहिअं 22, भवा 23 गरिस 24 फासण 25 णिरुत्ती 26 // 13 // एआहिं गाहाहि, वित्थररूवाहिं जा य णिज्जुत्ती / तीए साणुगमाए, अणुओगो सुत्तमित्तस्स // 14 // तेणं चिअ जस्स णमो अरिहंताणं ति साणुओगपयं / सम्मं तं खलु तित्थं, मग्गो सेसं अतित्थं ति // 15 // तं वा तित्थं जं चिअ, णिज्जुत्तिपमुहसव्वसुअठाणं / संपइ वीरजिणाओ, उप्पण्णं जाव दुप्पसहो // 16 // तं तित्थं जिणठवियं, जस्साइगरो ण लब्भई अण्णो / वीराओ वीरेण, दुप्पसहंतं तयं भणिअं // 17 // अहवा जस्स पमाणं, महाणिसीहं हविज्ज तं तित्थं / हरिभद्दुत्तं लिहियं, महाणिसीहस्स आयरिसे // 18 // सेसा खलु उम्मग्गा, लोइअलोउत्तरेहिं दुविगप्पा / लोइअउम्मग्गा पुण, कविलप्पमुहा मुणेअव्वा // 19 // लोउत्तरा य संपइ, दिगंबरप्पमुहपासपज्जंता। . ते पुणं तित्थाभासा, तित्थयराभाससंठविआ // 20 // तेसु वि णिज्जुत्तीए, णामग्गाहेण दूसिआ खमणो। सेसा परूवणाए, णिअमेणं दूसिया हुति // 21 // छव्वीसा इक्कारस, दारं तस्सेव ज़ा य णिज्जुत्ती / तीए जमालिपमुहा, बोडियपज्जंतया भणिया // 22 // 253
