________________ // 95 // // 96 // // 97 // // 98 // // 99 // // 100 // आइपया घेतव्वा, जे दोसा मूलकम्मचुन्नाई। होइ कुसीलो समणो, कुच्छिअसीलो हु एएहिं संसत्तो बहुरूवो, अलिंदनडएलगोवमो दुविहो / एगो असंकिलिट्ठो, इयरो पुण संकिलिट्ठप्पा पासत्थाइसु मिलिओ, तारूवो चेव होइ पिअधम्मो / पियधम्मेसुं मिलिओ, असंकिलिट्ठो इमो होइ पंचासवप्पवत्तो, जो खलु तिहिं गारवेहि पडिबद्धो / गिहिइत्थीसु अ एसो, संसत्तो संकिलिट्ठप्पा उस्सुत्तमायरंतो, उस्सुत्तं चेव पण्णवेमाणो / एसो उ अहाछंदो, इच्छाछंदु त्ति एगट्ठा उस्सुत्तमणुवइटुं, सच्छंदविगप्पिअं अणणुवाई / परतत्तिपवित्ते तितिणे य एसो अहाछंदो सच्छंदमइविगप्पिअ, किंची सुहसायविगइपडिबद्धो। तिहिं गारवेहि मज्जइ, तं जाणाही अहाछंद अहछंदे पडिवत्ती, उस्सुत्तपरूवणम्मि दुवियप्पा / चरणेसु गईसु तहा, जं ववहारम्मि भणियमिणं अहछंदस्स परूवण, उस्सुत्ता दुविह होइ णायव्वा।। चरणेसु गईसुं जा, तत्थ.चरणे इमा होइ . पडिलेहणि मुहपोत्तिय, रयहरणनिसिज्ज पायमत्तए पट्टे / पडलाइं चोल उण्णा, दसिया पडिलेहणा पोत्तं दंतच्छिन्नमलित्तं, हरियट्ठिय मज्जणा य णितस्स / अणुवाई अणणुवाई, परूव चरणे गतीसुं पि अणुवाइ त्ती णज्जइ, जुत्तीपडिअं खु भासए एसो। जं पुण सुत्तावेयं, तं होइ अणाणुवाइ त्ति // 101 // // 102 // // 103 // // 104 // // 105 // // 106 //
